Home General Shailiny Tromp di MEP orguyoso cu Brazil lo bay ta e enfoke...

Shailiny Tromp di MEP orguyoso cu Brazil lo bay ta e enfoke principal e weekend aki

90
0
SHARE
- Advertisement -

ORANJESTAD (AAN): Desde 12 di augustus Centro di Bario Brazil ta di fiesta y den celebracion. Dianan 18 di augustus y 25 di augustus 2018 a tuma lugar diferente eleccion cultural caminda a keda eligi nos Baby, Chikitin, Prenda, Damita, Dama, Gran Dama y Dama Grandi Cultural.

Dos anochi yena di cultura y folklore, caminda den tur presentacion a resalta e amor pa nos dushi Papiamento y e uzo di dicho y proverbio. Tambe hopi atencion a keda duna na nos costumber y tradicionnan, sin laga afor nos musica y bistimento tradicional. Tremendo actividad cu aña pa aña ta sigui crece.

Mi ta contento di por a aporta na un di e eleccionnan y sigur ta gradici pa e invitacion ricibi. Desde cu Centro di Bario Brazil a inicia cu e actividad aki semper mi a acudi y hunto cu mi famia a duna nos sosten.

Amor pa mi cultura ta algo cu di cas nos a lanta cu ne y sigur manera sr. Vicente Ras ta bisa “Gusta di otro, cuida y stima loke ta di nos!”.

Mi ta convenci cu actividadnan asina ta aporta grandemente na nos herencia cultural y mas cu tur cos ta un manera pa traspasa esaki pa e generacionnan nobo. Durante un anochi asina bo ta mira trahenan tradicional y nos bailenan folklorico keda presenta. Bo ta scucha di nos historia, costumber y tradicion y mas cu claro bo orea ta haya caricia di nos musica crioyo.

Mi kier a haci uso di e oportunidad pa felicita Directiva di Centro di Bario Brazil, comision organizador, tur voluntario cu mi sa a y lo traha masha duro mes, tur e candidatanan cu a participa, e gruponan di baile y mas cu claro na e publico grandi cu e asisti na e actividadnan aki.

Por ultimo mi kier a invita pueblo completo pa e actividad di awe  diasabra  anochi riba parkeerplaats di Centro di Bario Brazil, tocamento di Rincon Boys, Brisa Tropical y Stimami cu tambe ta cuminsa 7:00 pm y diadomingo lo tin actividad di 9:30 di mainta en adelante cu mercado crioyo y picnic cu ambiente di musica tipico y e gran parada folklore cultural cu ta cuminsa pa 3:00 pm.

- Advertisement -

DUNA COMENTARIO

Please enter your comment!
Please enter your name here