Home Beyeza Shanty Kanhai a conquista corona maximo di Miss Teen Earth International 2018

Shanty Kanhai a conquista corona maximo di Miss Teen Earth International 2018

630
0
SHARE
- Advertisement -

ORANJESTAD (AAN): Informacion hopi animador a yega for di Guayaquil, Ecuador, ora cu Diasabra anochi e representante di Aruba, a sa di conquista dos titulo, incluyendo esun principal den e certamen di Miss Teen Earth International 2018.

E candidata di Aruba, Shanty Kanhai, a sali na 2017 como Miss Youth Aruba.  Cu su carisma simpatico, social, y rostro bunita cu curpa formidable, el a bay rumbo pa Ecuador pa asina participa den e certamen di Miss Teen Earth International 2018.

Tabata comosifuera cu ta ‘Horcan Aruba’ a yega y conquista curazon di tur hende.  Shanty a sa di representa y defende su isla dignamente, y pesey mes Diasabra anochi durante e certamen final, el a convence tanto publico como hurado, cu e merece e corona.

El a keda eligi como Miss Teen Earth International 2018, y tambe a bay cu e titulo di Miss Teen Earth Model 2018.

Un palabra di pabien na su Tata y Mama, na su coachnan, na su miembronan di delegacion cu a viaha cune y a apoye sin stop durante e certamen.

Diadomingo atardi mes, Shanty ta yegando Aruba sigur yen orguyo cu e corona bunita riba su cabez.

- Advertisement -

DUNA COMENTARIO

Please enter your comment!
Please enter your name here