Home Policial Shoplifter Surinameño gara ta hortando 10 blousa den Zara

Shoplifter Surinameño gara ta hortando 10 blousa den Zara

2406
0
SHARE
- Advertisement -

ORANJESTAD (AAN); Patruya di Oranjestad riba Diasabra 1 di September 2018 a acudi na Zara den Kazernestraat na Playa debi cu tin un Shoplifter eyden.

Segun e Central di Polis, e sospechoso ainda ta den e tienda. Relaciona cu loke a wordo menciona aki, e unidad di Polis a yega na Zara.

Ora cu Polis a yega, e agentenan a wordo acerca pa e Hefe encarga cu Security.  El a splica Polis, cu nan a atrapa un muher durante cu e ta hortando paña den e negoshi.

— Nan a gare cu e aparato aki den tas.

Pero prome cu e kier a bandona e Tienda, el a worde para.  E sospechoso tabatin den su poder, un schoudertas di cuero.  Den dje e tabatin diferente paña nobo di Zara cu labelnan ainda poni na nan.  Tambe den su tas e tabatin un aparato specializa Sensormatic cu ta kita e Security-Sensor cu Zara ta pone na tur paña pa asina alarma zona ora bo sali di e porta.  Tur esey e tabatin!

E muher di inicial L., ta naci na Suriname dia 1 Mei 1988, y el a wordo deteni.

Polis a bise su derechonan, y a bay cune.  Nan a transporta e shoplifter rumbo pa Warda di Polis na Oranjestad.

Loke cu a wordo haya den e Tas di dje, ta 10 blousa marca Zara, 1 jeans marca Zara, y 1 aparato marca Sensormatic.

A presenta e muher dilanti Fiscal Auxiliar, y mirando e seriedad di e caso, el a keda deteni, y a wordo pasa den man di Recherche pa interogacion y lo demas investigacion.  Polis a relata na prensa, cu e muher aki ta “un conocido di Husticia”.

- Advertisement -

DUNA COMENTARIO

Please enter your comment!
Please enter your name here