Home Parlamento Si midi accion di gobierno aki cuater aña nan lo a trece...

Si midi accion di gobierno aki cuater aña nan lo a trece felicidad pa nos pueblo

190
0
SHARE
- Advertisement -

Parlamentario Endy Croes fraccion MEP:

ORANJESTAD (AAN) – Parlamentario di e fraccion di MEP, Endy Croes, pa conclui cu un tono positivo, e tema di e reunion di Diamars cu presencia di e ministernan, el a menciona cu e parlamentarionan a haya bon informacion.

For di Minister di Husticia, a keda confirma cu radar y helicopter ta un hecho prome cu e fin di aña aki. E mandatario a menciona fecha di destahonan. Tambe lo yega Aruba 62 auto nobo pa e instancianan cu ta percura pa orden publico, manera Polis, Landsrecherche, OM Recherche, etc. Pues den temponan doloroso, toch gobierno ta creativo y busca caminda pa cumpli pa mantene ordo den e pais aki. Ademas, 250 tereno lo wordo entrega tambe den September, cu ta riba lista di spera entre 2001 pa 2003.

Aeropuerto ta invirtiendo den e gateway 2030, 275 miyon florin pa amplia aeropuerto, cu lo bay crea entre 300 pa 400 cupo di trabao; minister Romero a duna di conoce cu a firma y lo firma MOU cu Curacao tocante e Fast Ferry y otro proyectonan cu ta na caminda, y Minister Presidente a papia di Futura Foundation cu ta un bus cu lo wordo converti den tech-lab, cu tecnologia moderno cu ta bishita scolnan, pa nos muchanan por ta up to date.

Y finalmente, pa pone “cherry riba e bolo” y termina e conferencia di prensa aki hopi positivo, segun e parlamentario, e scol MAVO-HAVO na Noord a wordo confirma como un proyecto cu lo wordo desaroya na 2019. E ta den plan y a wordo splica pa gobierno, con lo yega na ubica e fondonan aki.

Parlamentario Endy Croes a subraya cu nan por ta skerpi pasobra nan ta haci nan trabao y kier lo miho pa e pida baranca aki y locual gobierno a hereda no ta facil, pero e ta felicita Gabinete Wever-Croes pasobra caminda tin boluntad, curashi y amor pa traha. E ta pidi pueblo pa midi nan aki cuater aña y no den tres luna. E ta convenci cu nan lo trece felicidad pa nos pueblo.

- Advertisement -

DUNA COMENTARIO

Please enter your comment!
Please enter your name here