Home Deporte Spuiters Mipa a laga Logros den tereno

Spuiters Mipa a laga Logros den tereno

6
0
SHARE
- Advertisement -

ORANJESTAD (AAN) – Spuiters Mipa  a bin di patras pa laga Logros den tereno 6-5 den 8 inning un tremendo wega Diamars anochi.

Campeonato HEINEKEN di Aruba Softball Bond dedica na dos baluarte Chin Thiel (q.e.p.d) y e trabuco Wiwi Maduro a continua riba veldnan na Pos Chiquito. Den categoria AA e fuerte equipo di Spuiters a enfrenta e campeon di A-Klas di temporada 2017 esta Logros kendenan a promove pa AA.

Logros tempran den wega a pika ariba y depues ta amplia e score 4-0. Spuiters Mipa sinenbargo usando nan experencia poko poko a keda corta ventaha pa mantene nan mes cu un oportunidad. Spuiters ta empata e wega 5-5 y ta forsa extra inning pa finalmente gana 6-5. Spuiters Mipa 6 careda 9 hit, 3 error y ta laga 9 coredor den circulacion. Logros 5 careda, 12 hit, 2 error y ta laga 13 coredor na base.

Henk Arnold ta drenta releva Gilward Wester den promer inning kende a logra saca solamente un out pa asina tuma control y seya e victoria riba su nomber. Egar Bautista ta bay 8 inning completo pero mester conforma su mes cu e derota pero por mira atras riba un tremendo labor. Henk Arnold a tira 32 bola, 71 strike bon pa 103 lansamento, regalando 4 base por bola, 3 ponche permitiendo 1 careda limpi bon pa un ERA di 0.91.

Egar Bautista den 8 inning completo a tira 61 bola, 81 strike pa un total di 142 lansamento, 3 pocnhe, 6 base por bola permitiendo 3 careda limpi pa un ERA di 2.63. Como equipo Spuiters Mipa a bati di 31-9 pa un averahe di 290. Logros como equipo a bati di 31-12 bon pa un averahe di 353.

Mihor bateadornan pa Spuiters a resulta Deyon Peterson 4-3, Reison Alvarado 5-2, Gerald Tromp 2-1, Carlos wester di 3-2 cu 2 RBI. Pa Logros a destaca na plato den causa perdi Norangelo Jacobs 4-3, Junior Simon 5-3, Johnny Rasmijn 3-2 y Alexander Groeneveld di 3-2.

Campeonato lo continua Dialuna awor cuminsando pa 7.15pm na veldnan na Pos Chiquito momento cu den A-Klas riba veld number 2 Predators lo enfrenta Celebrities y riba veld 1 Spuiters Mipa lo midi forsa contra Royal Power. Pa 9 pm riba veld 2 Black Yoker vs Blackhawks y riba veld 1 Logros lo topa e fuerte equipo di Carlos Mejia esta Macuarima Indians.

Fanaticada ta keda cordialmente invita pa yega tereno pa apoya nan equipo preferi.

- Advertisement -

DUNA COMENTARIO

Please enter your comment!
Please enter your name here