Home General Studiantenan di Facultad di Hospitalidad y Turismo di Universidad di Aruba cu...

Studiantenan di Facultad di Hospitalidad y Turismo di Universidad di Aruba cu donacion na Stichting Bloedbank

11
0
SHARE
- Advertisement -

ORANJESTAD  (AAN): Diabierna ultimo studiantenan di facultad di Hospitalidad y Turismo di Universidad di Aruba FHTMS a entrega por medio di un cheque un donacion na Stichting Bloedbank Aruba.

Durante e evento di Food Truck Festival cu a tuma lugar dia 27 y 28 di april e studiantenan di FHTMS a organisa un “Lifesavers Kids Corner” cu e meta pa recauda fondo pa Stichting Bloedbank Aruba.

E idea di e Kids’ Corner tawata pa entretene e muchanan cu lo bishita e Food Truck Festival hunto cu nan mayornan. E otro idea, locual cu tabata e vision di e studiantenan, ta pa demonstra na e muchanan cu djis pasobra nan ta muchu chikito pa haci donacion di sanger, no kiermen cu nan ta muchu chikito pa hasi un diferencia.

Cada donacion di 10 florin pa drenta e Lifesavers Kids Corner a bay pa un stichting cu ta bringa tur dia pa salba bida, demonstrando cu mucha, ni con chikito, tambe por ta Lifesavers. Ademas na cada Food Truck bishitantenan por a deposita placa den e collection boxes.

Asina e studiantenan a sera e bunita suma di 2160 florin pa entrega na Sr. Raymond Maxwell di Stichting Bloedbank Aruba. Durante di e encuentro na Universidad di Aruba Sr. Raymond Maxwell a expresa cu e ta agradecido na e studiantenan cu a tuma e initiativo aki y a contribui na e fondonan. Y ta admira e esfuerzo pasobra tambe a percura pa por lo menos cinco donante di sanger nobo (studiantenan y staff), sin conta esnan cu por a inscribi nan mes durante e evento mes. Nan sanger un dia lo salba un bida y a splica cu sanger ta manera un parachute, si bo no tine ora bo mester di dje, probablemente lo bo no mester di dje nunca mas.

FHTMS ta extende un palabra di danki grandi na Aruba Tourism Authority (ATA) cu a aserca FHTMS pa organisa e Kids Corner y a sponsor e completamente pa asina tur fondo por bay na Stichting Bloedbank Aruba.

Un danki tambe na Bloedbank pa nan cooperacion y confianza. Por ultimo, un danki na tur studiante y miembronan di e facultad di FHTMS cu a planea e Kids Corner, a contribui na un bon causa y comunidad di Aruba en general.

- Advertisement -

DUNA COMENTARIO

Please enter your comment!
Please enter your name here