Home General Ta bay instala railing pa controla fluho di peatonnan banda di Royal...

Ta bay instala railing pa controla fluho di peatonnan banda di Royal Plaza

1289
0
SHARE
— Un impresion artistico con kizas e railing lo bay keda banda di caminda.
- Advertisement -

ORANJESTAD (AAN): Diamars merdia durante Reunion di Parlamento, Ministro di Turismo Dangui Oduber a trece dilanti con algun proyecto pa embeyece e isla, y tambe proyecto pa haci e lugar mas safe pa turistanan, ta canando.

Algo cu a hala atencion di DIARIO, ta e hecho cu Ministro a revela, cu tin un proyecto planea pa Oranjestad unda e meta principal ta pa proteha e masa di turista cu tin biaha ta visible ta cana banda di caminda.

E ta algo cu bo por mira tambe na varios ciudad mundial, unda cu ta haci trabao pa proteha peatonnan.

E proyecto ta pa bin cu Railing riba Lloyd G. Smith Boulevard, principalmente e area banda di Parada di Bus, Royal Plaza, bay te banda di Renaissance.

E railing aki ta pa ofrece mas seguridad pa e gruponan di turista (principalmente di barconan crusero), cu ta cana riba e acera banda di e cayanan aki.  E railing aki tambe ta pa organiza e trafico di peaton mihor.

E ta bay ta habri solamente na e areanan unda tin Zebrapad, y esaki lo bay hasta haci fluho di trafico di auto mihor.  Pasobra actualmente unda cu ta peatonnan por escoge pa cruza caya, y esaki ta pone cu cada rato trafico ta stagna.

Den futuro ora cu e railing wordo poni, ta solamente unda cu tin espacio habri, eynan peatonnan por cruza.

Fuera di esey, Ministro Oduber a splica cu tin plan pa bay embeyece e parti dilanti Hyatt Regency Aruba, esta e area di parking.  Lo bay pone mas klinkers y haci e lugar mas bunita, cu mihor iluminacion pa asina e peatonnan por cana na un forma mas safe.

Ministro no a revela si acaso na Palm Beach tambe lo bay pone railing.

E potret aki ta un impresion-artistico di DIARIO, pa bo mira con e railing posiblemente lo bay keda den futuro banda di e area di Parada di Bus na Boulevard.

- Advertisement -

DUNA COMENTARIO

Please enter your comment!
Please enter your name here