Home General Ta bon pa pone cartanan riba mesa pa mira con WEB ta...

Ta bon pa pone cartanan riba mesa pa mira con WEB ta para

52
0
SHARE
- Advertisement -

ORANJESTAD (AAN): Tabata tin poco preocupacion na WEB. E situacion financiero no ta facil y hasta a sali cartanan a sali pa gobierno. Eric Henriquez, presidente di SIWA a comenta cu tabata tin reunionnan cu director di WEB, na unda cu el a splica cu di berdad carta a bay, na unda cu tambe ta bisa cu e situacion ta bira hopi mas fastioso, hopi mas pisa, si no bin un aumento di tarifa di awa y coriente, na unda cu SIWA a vocifera bon cla cu nan ta contra e medida ey, cu mester bay riba pueblo.

Gerencia a mustra cu esey na ningun momento nan ta faborece. Si esey no pasa, automaticamente, si yega na un acuerdo, WEB tin cu bay den rood. Eynan tin cu wak e ora pa tene e compania sano, ta cuanto tempo lo bay dura, con leu por bay eynan.

Henriquez a splica cu su ponencia di mas grandi ta actualmente, cu a tende hopi parlamentario papia cu mester bin un reunion tocante e cuenta aki, pero ainda nada no a concretisa.

Henriquez ta loco pa bay den sala pa scucha kico ta kico. Eynan ta habri pa pueblo y e ta wardando riba e publico eynan den parlamento, pa mira tur e cartanan riba mesa, pa stop di papia rond. Ta bon pa pone e cartanan riba mesa pa sa bon cla unda nan ta para.

E director no tabata completamente cla. E ta keda urgente. Pero cla e no ta. Tin cu wak’e cu mas tempo pasa, ta mas dificil e situacion ta bira. Ta mescos cu ora bo tin un debe, mas luna bo keda sin pag’e, ta mas grandi e suma ta bira. E ora ey paga bek bo tin cu bin bek cu terug werkendekracht.  Ta wardando e proximo reunion cu tin cun’e, unda cu cifranan ta bin riba mesa y claridad ta bin. Esey ta e parti, cu no mester pone cos zomaar riba lomba di pueblo. No ta asina e asunto mester bay.

SIWA ta envolvi den hopi di e asuntonan cu ta pasa interno den WEB. A haya algun problema. A haya un heavy fuel oil cu mester a busca un miho calidad cu a subi e prijs. E prijs internacional tambe ta subiendo. Gobierno tambe a pidi dividendo.

Segun Erick Henriquez, tin cu mira den e statuto di e director, ta para bon cla cu tin cu mantene un compania sano. E sorto di cosnan asina pasa, ya no ta cumpliendo mas cu e responsabilidad cu bo ta aden, na unda e ora e preguntanan mester bay mas ariba, na Gobierno, na unda cu ta permiti cierto cosnan cu por pasa. Tin cu bay wak bon paden. Tin proyectonan cu bo no por bisa cu ta nan ta bay yudabo scapa e placa. Con ta bay haci e momento eynan.

Tin un situacion di turbina y boilernan hopi anticua. Tin cu bay wak tur e scenarionan. Tin cu bay haci full un herhaling di loke tin cu bin y di loke tin cu bay pa wak unda ta bay wanta e placa. Tin consultantnan cu hopi biaha ta bay eynan. Tin cu tene cuenta tambe cu ta yiu di tera nan ta. E cuchiu ta corta tur caminda cu move.

Ta hopi tata di famia tin ta traha den WEB.

E parti eynan e director no a bay. A bisa berdad e tarifa tin cu subi y cada luna cu pasa, e ta keda subi. Loke tin entendi ta cu WEB tin un buffer. Esey nan tin cu bay cuminsa come di dje. Eynan e tin cu bay para.

Si subi e tarifa, ta un tiki ta subi’e. Pero mas tarda, ta mas hopi tin cu bay subi’e pa recupera di e golpi ey bek. Ta un decision tin cu bay. Ta para riba, e fout di mas grandi ta, cu ora cu ta e momento oportuno pa hedge, no a hedge.

Tambe biaha pasa a hedge fout. Ta un cuchio cu a corta tur dos banda. Imagina cu nos mester paga 30$ pa bari. E ora tur cos ta bon. Ta forsanan politico y tin cu respeta esey. Pero e tin consecuencia riba decisionnan cu tin cu wordo tuma.

SIWA mester ta flexibel. Si dado momento pa salba e compania, casi sigur ta e lomba di pueblo lo tin cu carg’e. Segun Henriquez ta hopi sigur cu tur e miembronan di e sindicato, coleganan di trabao, ta dispuesto pa yuda den esey. Na final ta nan ta duna e opdracht y tin cu respeta esey.

Henriquez ta dispuesto pa papia cu nan pa wak. E ta conta pa full WEB carg’e y no solamente e miembro di sindicato. No por ta un grupo so ta carg’e y e otro grupo ta biba lekker. Ta hunto nan ta den esaki y pa pueblo nan mester por bay cierto milesnan y coopera den e parti ey.

 

- Advertisement -

DUNA COMENTARIO

Please enter your comment!
Please enter your name here