Home Tempo Ta pronostica cu Isaac lo bira un horcan den e proximo 24...

Ta pronostica cu Isaac lo bira un horcan den e proximo 24 ora

265
0
SHARE
- Advertisement -

Temperatura lo keda halto den e dianan aki

ORANJESTAD (AAN):  Segun METEO Aruba den proximo 24 ora atmosfera regional lo ta basta seco ainda, strobando asina formacion di nubianan cu por produci awacero. Sinembargo den oranan di marduga (dialuna) pa mainta trempan humedad lo por bira net suficiente pa pone un awacero pasajero desaroya.

Pa loke ta ama, olanan di lama lo ta for di direccion oost cu haltura di 3 te localmente 5 pia cu e olanan di mas halto na costanan oost, noordoost te noordwest di e isla.

FLORENCE: Florence a bolbe bira un horcan y tabata moviendo west riba awanan habri di atlantico, zuidoost di Bermuda, y no ta un menaza pa area di Caribe.

HELENE:  Helene a bira un horcan y tabata moviendo west, zuidwest di islanan

Cabo Verde. Helene tampoco ta un menaza pa area di Caribe.

ISAAC: E tormenta tropical Isaac tabata move west habri di oost atlantico na un distancia di 2240 km oost di islanan ariba. Ta pronostica cu Isaac lo bira un horcan den proximo 24 ora.

Departamento meteorologico di Aruba lo sigui e desaroyonan di Isaac cu hopi atencion.

Pa loke ta e temperatura (celsius) y awacero (mm) den ultimo 24 ora:  airport max 34 / min 28 / 0.0

Pronostico di tempo pa proximo tres (3) dianan: parcialmente nubla cu localmente un awacero. Biento lo ta for di generalmente direccion oost y modera te basta fuerte; den dia fuerte den rafaga; temperatura max / min lo ta: 34/27

- Advertisement -

DUNA COMENTARIO

Please enter your comment!
Please enter your name here