Home General Temporada di barbulet “Monarca” a cuminsa

Temporada di barbulet “Monarca” a cuminsa

41
0
SHARE
- Advertisement -

Nan ta preparando pa bula bay Mexico y California den October

ORANJESTAD (AAN): Kisas boso a ripara cu ultimo tempo tin bichi color preto cu hel riba un mata di lechi cu ta crece rond. Bo ta haya e matanan aki cant’i caminda, na beachnan y nan ta gusta crece rond di tereno di scolnan.

Segun informacion di Butterfly Farm, e mata aki yama den lenga di pueblo Mata di Lechi, dor cu e tin lechi aden. E nomber cientifico ta Calotropis procera. E mata aki ta e mata larval di e Barbulet Monarca.

E barbulet aki ta oranje cu strepi preto. Di leu e barbulet Monarca por hole e mata di lechi cu su antenanan. E ta pone webo riba e foyo di mata y djei e bichi ta nace. E foyonan ta e cuminda di e bichi e no por come di niun otro mata. E ta come y crece pa despues e bira e barbulet Monarca, su nomber cientifico ta Danaus Plexippus.

E pop unda e ta transforma aden ta masha nechi manera un renchi orea.   Ta puntra un y tur pa, porfabor laga e bichinan riba e mata, no kita of matanan. Tambe proteha e mata aki ora bo wak e rondE mata ta saca flor chikito biña cu tin nectar aden, ora barbuletnan bebe for di dje e simiya ta forma.

Conservacion di e mata aki ta crucial pa e barbulet por sigui existi. E Mata di Lechi tambe tin su propiedadnan medicinal, antes e ta wordo uza pa kita dolor di cabes y pa alivia dolor ora pia ta hincha entre otro.

Den e mesun epoca aki tambe ta den Merca y Canada ta e “Monarch Season”, den e areanan aki por nota un piek den e cantidad di e barbulet Monarca , dor cu e Monarcanan di e continente aki ta preparando pa e gran migracion.

Den cantidad di miyones nan ta preparando pa bula bay Mexico y California den October. Na Merca, e Mata di lechi, yama Milkweed, ta wordo proteha nacionalmente pa salba guardia e existencia di barbulet Monarca y nan migracion spectacular.

Pesey na Aruba tambe ban stima y proteha nos barbulet Monarca  y su bichinan pa nos keda disfruta di nan bunitesa y enrikece nos naturalesa.

- Advertisement -

DUNA COMENTARIO

Please enter your comment!
Please enter your name here