Home Social Tesis interesante di Kendrick Chirino riba fondo di pension na Aruba

Tesis interesante di Kendrick Chirino riba fondo di pension na Aruba

231
0
SHARE
- Advertisement -

ORANJESTAD (AAN): ‘ E (im)posibilidadnan  huridico  di un Algemeen Pensioenfonds na Aruba’  ta e titel  di e tesina di  studiante Kendrick A. Chirino (26) naci na Aruba. E oficina di pensioenbureau Montae Caribbean a duna e studiante e oportunidad pa haci su afstudeeropdracht  cerca nan pa asina por caba su tesina  y haal su diploma di Bachelor of Business Administration.

Tesina cu focus riba Aruba
    Despues di a logra haya su VWO diploma na Aruba, Kendrick a muda bai Hulanda na unda el a bay studia Management, Economie en Recht na Haarlem.Su deseo tabata pa haci su tesina cu focus riba Aruba y na Montae ela logra haya e oportunidad pa sondea e posibilidadnan huridico  pa introduci un Algemeen Pensioenfonds (APF) na nos isla.

Probecha di e bantahanan
   Mescos cu tur otro pais  doñonan di trabao y pensioenfondsen tin cu haber cu aumento di gastonan. Na Hulanda nan e introduce APF como un tipo di empresario di pensioen nobo cu por ehecuta e pensieonregeling di diferente compania. Asina e capital por keda separa pero e companianan participante por probecha di e bentahanan manera e administracion y asistencia colectivo.

Entrevista cu profesionalnan di pensioen
Kendrick  a entrevista pa su tesina diferente profesional den e ramo di pensioen na Aruba. E ta conclui cu e intruction di un APF ta pertenece na e posibilidadnan, pero den e caso aki lo mester cambia e ley di pensioen cu ta vigente.

Dinamica di e sector di pensioen
    E manager di Montae na Aruba Solange Denters ta masha contento cu Kendrick por a caba su tesina cu exito. “E sector di pensioen hopi biaha ta wordo mira como uno menos excitante den e ramo di comercio. Ta importante pa hobenan manera  Kendrick descubri con dinamico e sector di pensioen ta eigenlijk. Montae ta haya sumamente importante pa duna hobennan cu talento e oportunidad pa conoce e sector miho. Kendrick a haci esaki cu hopi dedicacion y entusiasmo.”

Riba potret, Kendrick Chirino ricibiendo elogio di Solange Denters, manager di Montae Aruba, despues di a logra haal su diploma.

- Advertisement -

DUNA COMENTARIO

Please enter your comment!
Please enter your name here