Home Social Thais Franken a bira e di 4 studiante cu ta ricibi e...

Thais Franken a bira e di 4 studiante cu ta ricibi e RBC-SETAR Thesis Award

161
0
SHARE
- Advertisement -

ORANJESTAD  (AAN):  Diamars dia 11 di september 2018, Thais Franken a bira e di 4 studiante cu ta ricibi e RBC-SETAR Thesis Award.  A selecta Thais pa e prestigioso premio di RBC-SETAR pasobra su tesis ta bon structura, cla, concreto y e la usa un cuadro teorico profundo.

Mayornan di srta. Franken a ricibi e premio den un Aula di Universidad di Aruba completamente yen den e ceremonia anual di Student Awards, ya cu e mes ta na Maastricht caminda e ta bezig cu su master.

E mayornan di Thais  a recibi un cheque for di RBC Royal Bank (Aruba) N.V. y un tablet for di SETAR.  Arthur Ruiz, representante di RBC Bank y Merienys Frances a representa SETAR.

Thais a gradua na juli ultimo como e di 22 graduado di e programa di estudio ‘Organization, Governance and Management’ (OGM) na Universidad di Aruba. Pa su tesis Thais a investiga e posibilidad pa desaroya e industria cultural creativo como un posibel pilar economico pa Aruba.

Den cuadro di su tesis Thais a studia entre otro documentonan nacional di maneho  economico, documentonan di UNESCO y documento cu ta investiga con paisnan cu un economia chikito (SIDS) por atende cu e tema di desaroyo sostenibel (sustainable development). Tambe e graduada a haci un inventarisacion di recursonan cultural y creativo di Aruba. Thais a entrevista 16 representante den e veld cultural y creativo y e la haci un SWOT y TOWS analysis. E analysis a duna 28 strategia cu lo por facilita un desaroyo di un niche nobo na Aruba den e area di cultura y creatividad e asina yama “Culture and Creative Industries”(CCI).

E tesis di Thais ta hopi valioso pa Aruba, pasobra e ta identifica strategianan cu por facilita un desaroyo economico nobo y den cierto sintendo un stap sostenibel y duradero pa Aruba.

Universidad di Aruba, particularmente e departamento di ‘Organization, Governance and Management’, ta felicita Thais  cu e logro aki y ta desea e tur clase di exito cu su master den Public Policy and Human Development.

Tambe ta gradici RBC y SETAR pa nan contribucion pa cu e Thesis Award 2017-2018.

 

 

- Advertisement -

DUNA COMENTARIO

Please enter your comment!
Please enter your name here