Home General Tin hopi mal contento den Citgo 

Tin hopi mal contento den Citgo 

62
0
SHARE
- Advertisement -

ORANJESTAD (AAN): Citgo tin dos aña y desde comienso e comunicacion tabata hopi malo cu sindicato IOWUA. E sindicato a manda carta Merca y e tempo ey nan a bay abogado, a sinta na mesa. Despues di dos aña e plannan a cambia cu nan a bay den un slow down. Citgo a bin cu un turn around pa lanta e planta pero despues a bay den un slow down y a bin un embargo, hendenan a cuminsa manda caso contra Citgo.

E sindicato a yama un reunion cu Citgo y gobierno, pero cu cambio di gobierno tin hendenan nobo. A bisa den e prome reunion cu no ta kita niun hende y Arubianonan ta haya prioridad, unda a papia diferente topico.

Boy Anthony, presidente di sindicato IOWUA, a sinta cu minister di labor y a duna informacion con cos ta den Citgo y si tin cosnan cu no ta bon lo tuma contacto cun’e. El a haya un mensahe di whatsapp bisando cu lo contrata hende di exterior y di biaha a tuma contacto cu e minister riba e asunto aki.

IOWUA a wordo bisa pa Citgo lo tuma 156 hende di cual local ta prioridad. Anthony a papia cu minister y Citgo riba e parti cu ta bin cu hendenan pa haci inspeccion di tubonan cu ta colga na cabuya, esey no tin aki. Pero hendenan di electricidad, instrumentation, boilermakers, insolators, crane drivers mester busca aki mes. Nan ta bezig cu DPL, pero tambe nan tabatin reunion cu minister, gobierno y DPL.

A recorda tur cu na momento di tuma hende na trabou, DPL tin lista di nombernan di hendenan cu tabata di cuminsa na januari. Mester bay haci e fase lihe pasobra tin 6 aña abou y Citgo tin 2 aña na Aruba. E aparatonan no ta keda den e status. Pero si kier start e refineria mester haci esaki lihe. No ta mira e movecion cu kier mira aunke cu tin hopi empleado.

Tin mas cos pendiente, manera ora Citgo a bin a bisa cu no ta bay atras den nada. Citgo a yega y tabata tin bonus pendiente cu nan no ta cumpli cu esaki, mientras CAO tabata cla pa 4 aña. A informa nan cu nan ta bin aki y ta haya estadia, auto, placa pa gas, pero no tin placa p’e empleadonan haya nan bonus. Eynan ta unda cu tin discriminacion. Tin puntonan cu IOWUA ta bay discuti cu gobierno y Citgo, unda nan ta puntra si Citgo ta un solo of tin Citgo Merca y Citgo Aruba. Tin mal contento pa no cumplimento. Segun gobierno y Citgo, nan ta cumpli cu loke nan a firma.

Nan ta dividi Citgo Merca y Citgo Aruba, unda cu e staff no ta contento pa tur movecion, p’e cosnan cu ta sali riba internet cu tin 21 compania y nan no sa con nan ta para. DPL y minister mester percura cu hendenan di Aruba haya e prioridad. No bin cu hende di afo mientras cu tin hende local cu por haci e trabou.

 

- Advertisement -

DUNA COMENTARIO

Please enter your comment!
Please enter your name here