Home General  Tin potencial pa haci di Playa un area atractivo pa turista

 Tin potencial pa haci di Playa un area atractivo pa turista

46
0
SHARE
- Advertisement -

Segun Clifford Rosa di Fundacion Rancho: Pero mester un cambio di mentalidad

ORANJESTAD (AAN):  Director di Fundacion Rancho,  Clifford Rosa, ta elabora tocante e reunionnan cu diferente departamento den e intento pa rebiba centro di Oranjestad.

Rosa ta splica cu nan tin un tempo mencionando cu nan ta bay activa desaroyo economico Rancho. Nan a bin den contacto cu Departamento di Asuntonan Economico pa combersa tocante con Fundacion Rancho ta funciona y con nan kier mira un desaroyo economico den Rancho.

Y si tin un terminal di crusero y ta mira e cantidad di turista cu ta drenta of con ta mira e desaroyo economico di Aruba cu tin di haber cu turismo, nan tin plannan traha di basta tempo caba pa wak con nan por haci p’e turistanan drenta bario di Rancho.

Si wak tur e estudionan cu a tuma luga, por wak cu hopi biaha e parti di siguridad ta bin dilanti. Nan ta trahando hunto cu AruTram pa mehoracion di e trahadonan den e sentido pa nan mehora den e aspecto di duna informacionnan tocante historia y cultura di Aruba.

Nan a bin ripara tambe cu ora e Tram core den caya, tin hopi negoshi cera y poco tin pa demostra. Asina ey nan a bin ripara cu Mambo a lanta cabes y nan kier wak con por sinta cu nan tambe pa intercambia ideanan.

Asina ey nan a cuminsa cu un reunion e siman aki, mirando cu pa nan como fundacion ta facil pa nan por desaroya nan mes den e direccion aki y nan ta kere cu pronto nan por trece un plan general p’e areanan di waf, Oranjestad, Rancho sigur, pasobra tin hopi cos cu mester tuma luga y mester union pa cosnan funciona tambe.

Clifford Rosa ta sigura cu tin potencial pa haci e area atractivo pa turista, pero e ta rekeri di un tiki cambio di mentalidad con ta maneha comercio. Como Rancho, nan a wak den historia con tur diferente desaroyo a sosode na Aruba y con un gran parti di dje a sosode den Rancho. Esey ta un experiencia cu Rancho tin pa adapta su mes na cada momento.

Awo ta keda na e comerciantenan cu ta existi pa hopi tempo caba bin dilanti. Hopi biaha scucha e inkietudnan di e comerciantenan ta importante. Comercio ta bay conoce un cambio den diferente faceta. Tambe nan ta hunto cu Serlimar pa crea un maneho di desperdicio p’e parti di Rancho sigur y Oranjestad completo. Tin hopi cosnan cu mester coordina p’asina mira un desaroyo cu ta flow.

 

- Advertisement -

DUNA COMENTARIO

Please enter your comment!
Please enter your name here