Home Salud Tin un demanda pa mas chekeo di salud den barionan

Tin un demanda pa mas chekeo di salud den barionan

27
0
SHARE
- Advertisement -

Segun, Fundacion CVA Aruba:

ORANJESTAD  (AAN)– Fundacion CVA Aruba cu ta e fundacion di Stroke (atake cerebral) na Aruba a organisa recientemente un chekeo pa salud .

CVA Aruba ta yama danki na e siguiente personanan y instancianan cu diasabra recien tabata presente den Centro di Bario Brazil : Shameeza van Loon, Aruba Vision Center, Transition 2 Health, Kidneys297, Botica di Servicio, Shamila Thijsen, Jessique Kelly, Aruba Medical Assistance y pa no lubida e miembronan di directiva di Centro di Bario Brazil cu a apoya e actividad aki for di comienso. Y mas cu claro, na e  conciudadanonan cu a mira e necesidad pa haci nan chekeo.

E demanda tabata grandi . Si tira un bista riba e asistencia record cu a presenta pa haci nan chekeo pa salud organisa door di CVA. Ta un muestra cu den comunidad tin e necesidad pa mas chekeo asina, wordo organisa.

Hopi hende grandi di bario a presenta y notabel tabata tambe hobennan cu a yega Centro di Bario Brazil. Pero tambe bishitantenan for di otro districto cu a yega Centro di Bario Brazil.

Pa e motibo aki CVA ta bisa pa comunidad keda pendiente paso e interes tey pa ripiti e actividad aki na mas ocasion. Un danki tambe ta bay na e Sra. Tina cu tabata presente cu su wraps, fruta y pan pa esnan presente despues di e chekeo.

Di parti di Centro di Bario Brazil semper e sosten tey pa yuda organisa mas dianan di chekeo , cu por bira cada 3 luna si ta necesario. Danki un biaha mas..

- Advertisement -

DUNA COMENTARIO

Please enter your comment!
Please enter your name here