Home General Tormenta Tropical Isaac ta acercando e islanan mas pariba di Caribe

Tormenta Tropical Isaac ta acercando e islanan mas pariba di Caribe

425
0
SHARE
- Advertisement -

ORANJESTAD (AAN): Segun ultimo update di e Departamento Meteorologico di Sint Maarten e centro di e tormenta tropical Isaac tabata localiza na un latitud 14.6 Noord, Longitud 49.7 west or 920 miya East Southeast for di Sin Maarten.

Isaac ta moviendo direccion West cerca di 26 kilometer pa ora. Ta spera di sigui su paso y pasa cerca di e islanan pa fin di e siman aki.

Segun pronostico, ta spera di move atravez di e islanan mas pariba di Caribe. Sint Maarten lo por ta hayando su efecto pa diabierna, na un distancia di 185 miya Southwest.

Por spera cu e condicion di lama deteriora diaranzon cu olanan di 8 pia y pa diahuebs cu olanan di te hasta 10 pia of mas.

Sint Maarten por haya awacero di mas o menos 2 inch y esaki lo por cuminza wordo sinti diaranzon pa despues disminui y incrementa e actividad durante e weekend.

Te cu awor, na Sint Maarten no a emiti ningun alerta, pero lo emiti un “Watch” den caso necesario.

Diamars merdia, tempo na Sint Maarten tabata trankil y cu bon condicion di tempo, segun informenan cu a drenta mesa di redaccion di DIARIO.

Isaac lo por bira atrobe un horcan pero debil pa bira un biaha mas un tormenta tropical prome cu impacta algun di e islanan di Caribe manera Dominica of Martinique.

Potret NOAA.

- Advertisement -

DUNA COMENTARIO

Please enter your comment!
Please enter your name here