Home Enseñanza Ultimo dia pa inscribi pa Landsexamen 2019

Ultimo dia pa inscribi pa Landsexamen 2019

19
0
SHARE
- Advertisement -

ORANJESTAD (AAN): Seccion Examenbureau di Departamento di Enseñansa Aruba ta recorda cu e ultimo dia di inscripcion pa Landsexamen 2019 ta diabierna awo dia 28 di september proximo.

E formulario pa inscribi ta obtenibel riba website di Departamento di Enseñansa Aruba [ea.aw] entrante dia 1 di september 2018.

E candidato lo mester download y yena e formulario pa inscribi y entrega e formulario yena completo y corecto hunto cu un uittreksel di Bevolkingsregister di Aruba na bali di Examenbureau na Belgiëstraat #2.

Tur inscripcion cu drenta despues di 28 september 2018 y esnan cu no ta yena completo no ta bini na remarca pa worde procesa.

Candidatonan cu ta cumpli cu tur reglanan di inscripcion y a pasa e “screening” ta worde notifica pa pasa entrega tur documentonan necesario y recibo di pago pa completa e inscripcion.

Na landsexamen MAVO/HAVO/VWO 2019 por participa esnan:

(A) cu a entrega nan formulario di inscripcion na tempo (prome cu dia 1 october 2018), yena completo y na e instancia concerni.

(B) cu a paga na tempo e suma concerni pa por pasa examen.

(C) cu entrante 1 april 2019 tin e edad di:

 17 aña of mas pa por participa na e landsexamen mavo;

 18 aña of mas pa por participa na e landsexamen havo;

 19 aña of mas pa por participa na e landsexamen vwo.

2 Excluyendo punto 1, por participa tambe na landsexamen esnan cu ta bay un mavo, havo of vwo school y cu kier logra un “1-vakdiploma” riba e mesun nivel di school cu nan ta siguiendo. E materia aki no mag forma parti di e pakete di materianan cu e candidato a scoge na school.

Certificadonan obteni na Aruba ta valido pa un periodo maximo di 10 aña entrante 1 augustus 2012. Esaki ta nifica cu certificadonan mas bieu cu 10 aña no por worde uza mas pa obtene un diploma di VWO, HAVO of MAVO.

- Advertisement -

DUNA COMENTARIO

Please enter your comment!
Please enter your name here