Home Gobierno Un delegacion di Hulanda lo bin Aruba e siman aki tocante e...

Un delegacion di Hulanda lo bin Aruba e siman aki tocante e tema di RST

72
0
SHARE
- Advertisement -

Minister Bikker a splica:

ORANJESTAD (AAN) – Dialuna, den conferencia di prensa di gobierno, Minister di Husticia mr. Andin Bikker a elabora tambe riba e Recherche Samenswerking Team (RST), cu ta un tema cu na Juli ultimo, a ser trata durante un reunion di ministernan di husticia di Reino, na Bonaire.

Durante e reunion ey nan a elabora riba e capacidad di e recherchenan pa atende crimennan cu ta traspasa frontera.

E mandatario a splica cu esaki ta un protocol cu ta existi for di aña 2001 y su predecesor, sr. Dowers, a dicidi na Januari 2017 pa revalua esaki pero despues a bay campaña y no a duna atencion na e tema aki.

No obstante, otro partnernan di Reino si a sigui e tema aki y practicamente a bin cu un notitie den cual Aruba no a wordo suficientemente consulta, y tin algun punto eynan cu ta preocupa nos pais.

E mandatario a indica cu nos pais ta den otro situacion, e autonomia di nos Status Aparte ta diferente cu Status Aparte di Curacao y di Sint Maarten.

Curacao y Sint Maarten tin un Procurador General comun, y nan ta resorta bao di leynan cu Aruba no ta cay den dje.

Aruba su autonomia tin un dimension adicional cu nan no conoce, y ora cu e minister a wak e notitie a ripara cu nan a pone nos pais den e mesun skina comosifuera e bachi ta pasa tur hende.

Pesey e asunto a bay Parlamento y tur fraccion a sostene esaki y cu esey e dignatario a bay Bonaire y a trece dilanti su puntonan di bista, y a respeta esaki tambe.

Aworaki tin e decision cu na October proximo, Aruba ta bay plantea su pensamento riba esaki. Pensamento ta y kier sigui claro, pa e experticia cu Aruba no tin localmente pa combati y preveni criminalidad cu ta cruza nos frontera, pero semper y cuando Hulanda y otro partinan di Reino ta respeta Aruba su soberania y autonomia.

Riba e tema aki tin un bon ambiente y Hulanda a dicidi e siman aki pa manda un delegacion anticipando e siguiente encuentro, pa nan por compronde miho e punto di bista di Aruba. E mandatario lo mantene Parlamento y nos pueblo, debidamente informa cu e desaroyonan aki.

- Advertisement -

DUNA COMENTARIO

Please enter your comment!
Please enter your name here