Home Gobierno Un grupo grandi di trahador lo wordo exonera di pago di loonbelasting

Un grupo grandi di trahador lo wordo exonera di pago di loonbelasting

224
0
SHARE
- Advertisement -

Ademas di elimina belasting riba pension di behez:

ORANJESTAD (AAN) – Na mes momento cu Gobierno ta trahando riba e reforma fiscal, nan ta haciendo calculacionnan pa wak cuanto hende lo bay wordo exonera di e pago di loonbelasting, den e sistema nobo.

Asina Prome Minister sra.mr. Evelyn Wever-Croes a declara den conferencia di prensa, Dialuna.

Esaki ta nifica cu gobierno ta bay elimina loonbelasting pa un grupo grandi di trahador.

E dignatario a sugeri e trahadornan pa wak riba nan payslip cuanto placa nan ta paga awor na loonbelasting, y imagina nan mes cu den e sistema nobo no ta bay paga esey mas.

Otro logro ta bay ta cu e pensionadonan no ta bay paga mas impuesto riba nan pension di behez.

“Tur esaki nos tin riba un pakete cu nos ta preparando. IMF ta bin Diamars y nos ta sinta cu nan pa nan valida e proceso cu nos ta canando, pa nan cu nan experiencia y cu nan tin sistemanan mas moderno di calculacion, por bisa nos si esaki ta e rumbo cu Aruba tin cu bay. Nos tin algun diferente opcion y nos ta bay discuti esakinan cu nan”, e dignatario a acentua.

E mandatario a remarca cu importante ta cu Aruba ta ganando e confianza internacional, apesar cu nos debe ta na 90%.

Minister Presidente a subraya cu lo mas importante ta cu tanto cu Institutonan Internacional, como cu Hulanda, Gobierno di Aruba ta ganando e confianza cu nos pais ta serio na soluciona su problemanan.

“Ora nos a drenta den gobierno nos a puntra Hulanda pa yuda nos cu fianza na interes reduci. Aruba ta paga 200 miyon florin na interes tur aña debi cu nos debe a redobla door di gobierno anterior te na 90%. Hulanda ta presta Sint Maarten y Curacao tur aña, na un interes hopi abao di casi 1%. Nos a puntra si nos tambe por haye y nan a bisa nos cu no pasobra nos ta den deficit. Nos a bisa ta bon, anto nos mes ta hacie. Pues, riba propio forza, di propio iniciativa sin ayudo di Hulanda, nos lo saca Aruba for di e abismo financiero y poco, poco nos ta ganando e confianza”.

 

 

- Advertisement -

DUNA COMENTARIO

Please enter your comment!
Please enter your name here