Home arte y espectaculo Varios mural nobo ta hayando bida na San Nicolas

Varios mural nobo ta hayando bida na San Nicolas

94
0
SHARE
- Advertisement -

ORANJESTAD (AAN): Tres artista famoso ta haciendo un trabao grandi riba murayanan di edificio di biblioteca San Nicolas. Esaki den cuadro di Aruba Art Fair.

Tres artista, Dmitrij, Mr. Dheo y Pariz One cu a yega di traha varios obra hunto caba. Aki por wak cu e artista nan a cuminsa pinta nan obra riba murayanan di edificio di biblioteca na San Nicolas.

Durante e prome edicion di Aruba Art Fair na 2016, dilanti entrada di edificio di biblioteca na San Nicolas a keda decora cu un mural impresionante di un yuwana. Esaki ta un obra 3D traha cu material recicla.

Actualmente e edificio ta den renovacion y e ta cla cu su murayanan blanco pa ricibi tres artista di Europa pa transforma e edificio den un obra espectacular. Dmitrij Proskin, ChemiS, di Kazakhstan conoci na Aruba, pa e obra ‘House of Cards’ riba e murayanan di restaurant Winter garden na San Nicolas, ta escritor y filantrofo.

Mr. Dheo, autodidacto desde edad masha hoben a converti su obranan den espectaculo rond mundo. E hoben procedente di Portugal a sa di laga su obranan na mas di 40 pais.

Pariz One, artista visual specialisa den Graffiti, tambe di Portugal ta conoci pa su pintura “What Goes Around”. Pariz One a ricibi diferente premio. E ta conoci tambe pa su linea di sportwear di colornan y diseñonan igual na su pinturanan.

Ta un atraccion special pa wak e artistanan aki traha riba nan obra na San Nicolas  e weekend aki.

- Advertisement -

DUNA COMENTARIO

Please enter your comment!
Please enter your name here