Home Noticia Internacional Venezuela:  Pediatra a comete suicidio pasobra el a fada di mira babynan...

Venezuela:  Pediatra a comete suicidio pasobra el a fada di mira babynan neonatal muri debi na falta di remedi

260
0
SHARE
- Advertisement -

ORANJESTAD (AAN): Un informacion tristo cu a circula Diabierna na Venezuela, a bin for di e ciudad di Cumana, unda un Docter Pediatra a comete suicidio.

Aunke un docter ta acostumbra cu un di su funcionnan ta pa yuda, e palabra ‘morto’ no a sona straño pa nan.  Pero tin biaha loke ta pasando no tin ningun hustificacion, y e efectonan aki ta cay pisa riba un persona.

Dr. Carlos Amundaray di Cumana, a comete suicidio.  Esaki a wordo confirma pa Jaime Lorenzo, kende ta coordinador nacional di e grupo Medicos Unidos por Venezuela, y ta ademas colega di Dr. Amundaray.  El a bisa cu e Docter di Mucha tabata sufri di depresion debi cu el a mira demasiado baby neonatal muri debi cu no tin suficiente remedi na e pais.

E caso aki a wordo menciona tambe door di Diputado di Asamblea Nacional Venezolano, Juan Pablo Garcia via Twitter.  “E pediara Carlos Amundaray, a caba cu su bida debi na depresion dilanti e impotencia di mira morto di babynan neonatal na gran escala, sin cu autoridad ta preocupa cu esey, causando rabia, indignacion…  Demasiado daño, no tin pordon di Dios,” e diputado a menciona.

Coleganan di e Docter Pediatra a sigura, cu e medico tabata hopi deprimi pasobra tur dia den e Unidad di Intensive Care Pediatra, debi cu no tin suficiente remedi.  Diahuebs so tabatin 3 baby cu a muri.

Psicologo y psychiaternan a alerta caba cu e nivel di suicidionan a aumenta na Venezuela, awor cu tur hende ta confrontando e crisis economico, crisis social, crisis humanitario, y e crisis politico cu e pais ta enfrentando.

 

- Advertisement -

DUNA COMENTARIO

Please enter your comment!
Please enter your name here