Home Policial Weekend: Control di Polis a logra confisca 10.000 Florin di bendedornan di...

Weekend: Control di Polis a logra confisca 10.000 Florin di bendedornan di droga

2375
0
SHARE
— Control pisa rond Aruba a produci esaki. (Potret cortesia: KPA Aruba.)
- Advertisement -

ORANJESTAD(AAN): Pa bo por haci uso di trafico na Aruba, bo tin di percura cu abo, y tambe bo vehiculo ta cumpli cu ley.
Abo mester tin rijbewijs, y bo vehiculo mester tin papel di registro, belasting paga, aseguro, y tambe keuringskaart.  E vehiculo mester tin wielnan bon, tur hende cu seatbelt, y si ta anochi, e luznan mester ta corecto.  Y chauffeur no por core mientras e ta bao influencia.

Polis a tene un control pisa rond di Aruba riba Diasabra anochi… y consecuencia ta cu bastante chauffeur a keda sin auto.

DIARIO a compronde cu e control a cuminsa den oranan laat di atardi caba.  Nan a haci esaki prome net na comienzo di Savaneta, y despues a termina na Bushiri.

Polisnan di trafico, motoriza hunto cu esnan di K9 di Douane tabata envolvi den e accion. Seccion di Cuerpo CEA tambe tabata encarga cu transporta esnan deteni.

Polis a controla tur cos, y hendenan sospechoso a wordo hasta listra.  Consecuencia di tur esaki, ta cu a kita basta auto pasobra no tabata tin documentonan na ordo.  Hopi hende coriendo cu number siendo cu den 2018 a paga ni 5 cent pa Motorbelasting.

Ademas di esaki, a haya droga riba esnan den auto, core auto bebi etc ta parti di e detencionnan of perdida di vehiculo.  Tambe a haya varios hende sin documento di estadia na ordo.  Nan a wordo pasa pa Warda Nos Costa.

Esnan cu tabata coriendo rond cu alcohol den auto, y cu hopi hende sinta den auto, a pasa den controlnan mas rigoroso.   DIARIO a ripara cu varios auto a resulta cu tabatin tur cos na ordo, y e pasaheronan tambe tin nada ilegal den nan poder, y nan por a sigui!  Esaki a ripara hasta cu algun grupo di hoben cu tabata trip anochi.  Nan Yaris a wordo para, pero despues di control por a sigui numa.

DIARIO a nota cu Polis a controla algun negoshi tambe pa movimento sospechoso, y cu tin tip a drenta cu por tin ilegal aden.  Tur a wordo controla.  Hasta a controla e “vehiculonan” sospechoso cu tabata yegando cerca di e famoso Chollerhouse nobo na Shiribana!  Aki a gara algun hoben cu droga.  Bisiñanan ta gritando di hopi tempo caba, pa autoridad haci algo cu e Chollerhouse aki.  E ta birando un neishi di maldad, di ladron, y di adictonan di droga.  Pesey henter pueblo di Tanki Leendert, Shiribana, Papaya, y Paradera ta sufriendo di ladronicia.

“Hopi bon”, tabata e comentarionan di e comunidad riba e controlnan aki. Kitando vehiculonan sin documento ta evita cu nan por causa accidente y laga otro chauffeurnan cu si ta cumpli cu nan auto kibra.

Pa e Listramento Preventivo tin e siguiente resultadonan.  Nan a captura 27 ilegal.  A detene 1 hende pa core bao influencia.  A detene 4 pasobra nan tabatin droga den nan poder.  Nan tur cuatro ta deteni pa mas investigacion, incluyendo un Marinier.

Tambe a detene 3 hende pa core burachi, y 3 debi cu nan tabatin arma den nan poder.

Tambe Afpakteam a tuma diferente placa pa cash for di bendedornan di droga y tambe illegal cu no por a duna un bon splicacion di unda e placa ta bin.  Aki ta papia di mas di 10.000 Florin cash.

- Advertisement -

DUNA COMENTARIO

Please enter your comment!
Please enter your name here