- Advertisement -
ORANJESTAD (AAN): Siman a habri cu e lamentable noticia cu dialuna madruga pa 00:34 central di polis a wordo notifica via Alarma Centrale, cu un accidente a caba di tuma lugar riba e caminda di Bubali. 
A dirigi e patruya di Noord na e sitio di e sucedido y na nan yegada a topa cu un Toyota Yaris color shinishi numera A-6665 cu a dal den un mata di kwihi.
Personal di ambulance a yega na e sitio tambe y ta trata di yuda e victima chauffeur. Lamentablemente no por a hasi nada mas pe.
Pa 1:15 dokter Texier ta constata morto di Gilbert Eloy Wernet naci na Aruba dia 1 juli 1982 ( 36 aña) y biba na Papilon.
Departamento di trafico a presenta na e sitio pa haci nan investigacion. Tambe polis tecnico y slachtofferhulp. Hopi forsa na e famia.
- Advertisement -
