Home Turismo y Hoteleria Andres Moreno a sali Empleado di Kwartaal na Caribbean Palm Village Resort

Andres Moreno a sali Empleado di Kwartaal na Caribbean Palm Village Resort

23
0
SHARE
- Advertisement -

ORANJESTAD  (AAN) — E empleadonan cu a demostra funcionamento optimal, y cu tabata nomina pa Empleado di e tercer kwartaal a reuni pa un ceremonia informal di premiacion recientemente na Caribbean Palm Village, Cesar Martinez, Housekeeping Supervisor, Lazandra Noor, Room Attendant, Kenjah Howell, Assistant Front Desk Manager, y e ganador Andres Moreno, miembro di Maintenance, kende a join e hotel solamente seis luna pasa pero ya a contribui considerabelmente, ehecutando su trabao cu perfeccion, demostrando lealtad na e compania y dedicacion na su trabao.

Varios empleado tambe a wordo aplaudi pa nan esfuerso adicional durante e di tercer kwartaal di aña, nan tabata Jean Merisier, Verfdo, Kenja Howell, Assistant Front Desk Manager, Vivian Orcadio, Front Desk Clerk, Gilberto Spataro, Janet Brinkmann, Cesar Martinez y Natalee Morisson, tur cuatro ta Housekeeping Supervisors, y Gregoria Burgos, Janeth Herrera, Jael Kock y Obdalis Farro, tur ta Room Attendants.

E Gerente General interino, Astrid Muller, a informa cu e nominadonan pa e “Extra Mile” a inclui e verfdo di hotel kende a persigui un intruso cu a purba bay cu algun bleki verf nobo, y miembronan di Housekeeping cu ta excelente solucionadornan di problema y ta resolve tur e huespednan nan solicitud y desafionan riba nan mes cu solucionnan proactivo.

Muller y Mary Werleman, Director di Recurso Humano, a pose cu e miembronan cu mihor resultado na momento cu nan a ricibi un bunita certificado y tambe elogionan bon mereci.

Inmediatamente despues di e ceremonia cortico di reconocimento e Fundacion CVA Aruba dedica na prevencion di stroke, a duna un conferencia cortico tocante funcionnan celebral, como un sesion di enrikecimento, yudando e empleadonan pa hiba un estilo di bida mas saludabel, tanto na trabao como pafo di trabao.

- Advertisement -

DUNA COMENTARIO

Please enter your comment!
Please enter your name here