Home arte y espectaculo Aruba Art Fair cla pa un magnifico fin di siman

Aruba Art Fair cla pa un magnifico fin di siman

272
0
SHARE
- Advertisement -

Mas di 200 obra di artistanan a keda entrega

ORANJESTAD (AAN): E fin di siman ta yegando, pa e di tres Aruba Art Fair cu sigur ta bira un biaha mas e antesala di un cambio mas pa e cayanan di San Nicolas.

E artista Hulandes, Eelco van den Bergh, famoso pa su trabaonan gigantesco na New York, cu a otroge e premio Net New York Top 10 Street Artist, a finaliza e prome muraya di 30 meter di largura y 6 meter di halto cu ta e Rialto Building na San Nicolas.

Un beyeza di mural super dinamico cu colornan yamativo, depictando e beyeza di e mundo bao di awa cu su piscanan y e mundo riba awa cu ta e parhanan. Un pintura liber y yamativo cu ta forma e sala di Art Fashion cu ta tuma lugar dia 4 di October, 2018 cuminsando pa 6.30 pm.

E prome 100 persona, ta haya Goodie Bags di sorpresa y lo ta e prome nan cu por tin mas libertad pa haya chens pa saca potret. E setup ta liber na entrada cu un antesala cu ta forma un walk-in Bar y cuminda cu standup tables pa intercambia y chill prome cu e evento.

E setup lo ta gigantesco y un Danki grandi na e elenco di Elite cu ta un di e partnernan strategico. Ideanan innovativo y nunca prome bisto lo ser presenta  na unda cada desiňador ta haya e oportunidad di conta nan storia y trece dilanti nan mensahe di un manera original.

E show lo keda inicia pa ALDO  y su sapatonan y kedsnan pinta artisticamente pa e momento den intercambio cu e artista Lislaine Bermudez cu ta marca pauta cu un diseno original di tur loke ta nos Aruba.

E gran artista Hendrik Schouten, lo laga tur babuca cu su obranan. Loretti Design lo ta magnifico.  Artista Osyth Henriquez, no ta solamente exepcional den su scarves, mas lo ta e sorpresa di e anochi pa un arte completamente diferente. Gran Artista di Venezuela Magon lo ilustra lo actual na Venzezuela, es sufrimento y e grito pa cambio.

Durante e break tur por pasa den e antesala pa saboria un sushi of un pasaboca.

E gigante Kate Spade lo habri e di dos presentecion cu un ODE na e magnifico desiňadora. Un obra riba su mes.

Artista Internacional Gigliola Gomez a confeciona un linea original pa Art Fashion y lo trece esaki dilanti den un estilo Caribense.

Zhuzhed by Ali, hoben y dinamico ta sigui pa e gran artista Elisa Lejuez cu prendanan di Mersea Jewelry. Mientras cu Francis Sling di Curacao ta estrena su linea nobo di prendanan.

E anochi ta worde sera cu un broche di ORO na unda nos orguyo Ronchi de Cuba ta inicia su celebracion. E celebracion di 30 aňa di exsistencia. Un fiesta pa asina termina e prome bez cu mentenan creativo ta bin hunto y crea ArtFashion.

Desde diahuebs e Artistanan di Aruba a cuminsa pa trece nan obranan. Ya caba mas di 200 obra a ser entrega cu lo forma e walkway pa e amante di Arte por bin presencia, mientras cu mas di un grupo di baile a inscribe y masha gruponan di musica lo ta trece nan cancionan. Desde Caha di Orgel te cu bandanan di JAZZ y un circo lo ta pa deleite di un y tur.
Plannan strategico, incluyendo artistanan di taya Internacional, entre nan e mihornan di mundo ta worde busca pa sigui aumenta e arte riba e muralnan den e cayanan di San Nicolas.

E artista di Curacao Giovanni Abath lo traha un obra grandi durante di Aruba Art Fair y tur presente por presencia e artista aki den pleno accion. Un obra cu lo keda pa Aruba como simbolo di union entre Aruba y Curacao den e mundo di Arte y Cultura uniendo pa future den obranan, ideanan y fundacionan.

For di Barcelona, e artista Arubiano Elisabeth Ollė Curiel a inscribi pa participa y lo ta desfilando su obranan grandi. Elisabeth tin no solamente tin un galleria na Barcelona pero tambe un tayer na unda e ta pinta obranan pa artistanan grandi manera Antonio Banderas.

Despues di ArtFashion, Theaterstraat lo converti su mes den ArtisA runway cu ta e aglomeracion di Artesanonan treciendo y exponiendo nan obranan di Arte di Artesania, sea esaki ta tasnan, prendanan, obranan den palo, mini tarhetanan y mucho mas, durante Aruba Art Fair 2018.

Aruba Art Fair 2018 lo tuma lugar den e cayanan di San Nicolas, October 5,6,7, 2018. No perde!

- Advertisement -

DUNA COMENTARIO

Please enter your comment!
Please enter your name here