Home Policial Atraco arma riba Taxista

Atraco arma riba Taxista

191
0
SHARE
- Advertisement -

ORANJESTAD  (AAN): Dialuna anochi pa 10:20pm a bati alarma pa un atraco arma na un cas na Tanki Flip. A spacha varios patruya di Polis na e sitio y na Tanki Flip # 38-C a topa cu e victima, e conocido Edwin Trimon di Taxi # 132. E ta conoci como gerente di The Steamboat Restaurant den pasado. A bay cune Warda di Polis pa ey e conta Polisnan kico a sosode exactamente.

“Duna mi Bo renchi of mi ta kap bo dede afo”, ta cu e palabranan aki e atracadonan a menasa un Taxista den su cura di cas pa horta entre otro su renchi di diamanta. El a caba di yega cas di trabou y apenas a drenta su cura, ora el a haye cu dos suheto su dilanti.

E victima a conta Polisnan cu a atrak’e na su cas, Tanki Flip # 58-F pero a core bay na cas di su ruman pa pidi ayudo. El a conta cu dos homber cara tapa cu un paña blanco a yega cu machete den man y sorprende asina cu el a drenta su cura di cas. E ta corda cu nan a papia Papiamento cune.

Den e proceso nan a bay cu su renchi dede pero a bay den e cas y a horta un suma cuantioso di placa. Ta papia aki di un suma halto, cu mesora ta lanta sospecho cu mester ta un hende cu tabata sa cu e Taxista tin hopi placa cash den cas.

Polisnan a controla den henter e area pero no a logra topa cu e atracadonan. Investigacion ta sigui, specialmente pasobra tin camara di siguridad den vecindario.

 

 

- Advertisement -

DUNA COMENTARIO

Please enter your comment!
Please enter your name here