Home Parlamento Banco Central ta confirma cu e “graficonan” cu logo di Banco Central,...

Banco Central ta confirma cu e “graficonan” cu logo di Banco Central, cu Mike Eman ta usa no ta di nan

1172
0
SHARE
- Advertisement -

Rocco Tjon:

ORANJESTAD (AAN); Manera ta conoci Mike Eman a usa “grafieknan” pa substancia su ponencia cu no tin crecemento economico.

Fraccion di MEP a sospecha cu e grafieknan aki ta fabrica, mirando cu e rapport di Banco Central titula “State of the Economy”, publica na 2018, ta indica cu e crecimento economico marginal cu Aruba a conoce na 2017 lo continua na 2018.

PREGUNTA NA MINISTER DI FINANZAS:

Na e momento cu sr. Mike Eman a haci uso di “grafieknan”, supuestamente di Banco Central, pa splica cu economia ta malo, fraccion di MEP a manda haci pregunta por escrito na Minister di Finanzas pa haya sa den cua rapport e “grafieknan” aki ta publica.

Motibo di esaki ta cu e rapport di “State of the Economy” ta indica cu tin crecemento economico na Aruba pa 2018.

CONTESTA RIBA PREGUNTANAN HACI DOOR DI SR. TJON:

Sospecho di fraccion di MEP a worde confirma door di Banco Central. Apesar cu sr. Eman ta usa logo di Banco Central, e  “Grafieknan” cu sr. Eman a usa, no ta di Banco Central.

Den e carta cu sr.Tjon a ricibi por tuma nota tambe cu Banco Central ta distancia nan mes di e ponencianan cu sr. Eman a trece padilanti durante su conferencia di prensa.

   PA CONLCUI:

Sr.Tjon a splica cu e ta kere cu politiconan tin e deber di controla gobierno, procede na un forma pro-activo pa bienestar di pais Aruba y por ultimo informa pueblo debidamente. Pa e motibo aki fraccion di MEP ta “factcheck” y pone tur documento riba nan website.

Sr.Tjon a splica cu e ta condena cu sr. Eman, despues di a haya un Koninklijk Besluit na 2014 pa mal maneho financiero y entrega autonomia financiero di pais Aruba, kier sigui manipula pueblo. A base di informacion fabrica y a base di manipulacion kier crea disturbio y intrankilidad. E ta haya esaki algo condenable.

- Advertisement -

DUNA COMENTARIO

Please enter your comment!
Please enter your name here