Home Deporte Caminata luna di October di Barracudas Aruba

Caminata luna di October di Barracudas Aruba

107
0
SHARE
- Advertisement -

ORANJESTAD (AAN)-   Barracudas Aruba, club di landamento artistico ta organisa diadomingo  awor 21 di oktober luna di flor, un fun 5k Run/Walk. E meta ta uno hopi special tumando lugar durante e luna di oktober, e luna di Gracia yen di Splendor.

E Fun Run/Walk lo cuminsa pa 5:00pm na Fisherman’s Huts y registracion ta cuminsa 4:00pm. Tur atleta tin tickets bendiendo caba. Lo warm-up zumba prome cu ranca sali y durante e evento lo tin disponibel pa tur participante awa, gatorade y fruta, tambe lo tin e oportunidad pa gana premionan atractivo p.e. dinner of gift certificate. Lo tin un premio special pa e participante mas bunita bisti na e tema di flor🌺 por ehempel un flor den cabei, riba tshirt, cadena di flor, etc.

Nos kier a invita henter pueblo di Aruba pa bin join nos na e bunita evento aki cu Barracudas Aruba ta organisando. Bin cana un rato hunto den famia y pasa un atardi ameno hasiendo algo bon pa salud y curason.

Luna di oktober
Luna di flor
Luna di Gracia yen di splendor

Cana rumanan
cu alegre Paso
Cana cu Barracudas
y yuda recuadaaaa

bini uno
bini tuuuurrr
bini bin Cana
y yuda Barracudas

Luna di oktober
Luna di flor
Luna di Gracia yen di splendor

**Arreglista y Compositor: Artistic Swimmer Mom Vicky**

Barracudas Aruba desde 1973 a introduci e comunidad di Aruba na e bunita deporte di landamento artistico cu e meta principal pa brinda atletanan oportunidadnan pa desaroya y prepara nan mes den e deporte pa competencianan international.

E aña aki e club ta preparando un dinner show unico pa e comunidad di Aruba, esaki lo tuma lugar dia 1e di december proximo. Keda pendiente di mas informacion.

- Advertisement -

DUNA COMENTARIO

Please enter your comment!
Please enter your name here