Home Enseñanza Celebracion di e di dos ceremonia di graduacion di OGM na Universidad...

Celebracion di e di dos ceremonia di graduacion di OGM na Universidad di Aruba

32
0
SHARE
- Advertisement -

ORANJESTAD (AAN): Dia 12 di september ultimo e programa Organization, Governance and Management (OGM) di e Facultad di Arte y Sciencia (FAS) na Universidad di Aruba a tene su di 2 ceremonia di graduacion den grupo.

Cinco graduado esta Magali Guzman, Josefa Franca, Jonathan Henriquez, Marc Farro y Victoria Sequera den compania di nan famia, amigonan y docentenan a ricibi nan diploma.

Magali Guzman a defende su tesis prome cu e temporada di vakantie, pero e la dicidi cu e ta tuma su diploma den e ceremonia oficial di 2017-2018 den compania di su querida mama cu tabata na Aruba pa atende e momento bunita aki y su demas famia. Geneida Geerman a haci su defensa net prome cu e ceremonia dia 12 di september mes, atardi laat y e lo haya su diploma despues pa motibonan administrativo.

E anochi a habri cu un palabra di bon bini di e decano di e facultad Sr. Tim Croes.

E programa a sigui cu e prome supervisor (eerste begeleider) di cada graduado kende a elogia e graduado cu e la guía cu su carera como studiante y cu su abilidadnan y caracteristica personal cu a destaca.

Despues hunto cu e decano, e supervisornan a presenta e 5 graduadonan cu nan diploma, lista di cifra y un regaldo conmemorativo. Por ultimo Sra. Farina Lopez, conoci pa su recetanan den e programa di television Magia di Pasco, a sorpresa tur 6 graduado cu un bolo den e tema di graduacion personalisa cu nan nomber.

E ceremonia di graduacion tabata un momento special den historia di e programa di OGM y a reconoce e di 25 graduado cu ta Tony Khalil. Tambe e graduado Tyson Lopez a haya un reconocemento como “Outstanding Alumnus” 2018.

E programa di OGM a cuminsa na 2009 y na 2014 e prome gradua, Indira Burke a ricibi su diploma. E tempo ey e custumber tabata cu studiante ta defende nan tesis y nan ta ricibi nan diploma inmediatamente den presencia di nan famia y amigonan. Desde aña pasa studiantenan por opta pa haya nan diploma den un ceremonia plenario.

E prome ceremonia di graduacion plenario tabata na september 2017 y tabata tin 3 graduado esta Gianira Maduro, Giancarla Lobbrecht, y Shamira Clara. E aña aki tabata tin 6 graduado.

Den e proximo dianan lo saca comunicadonan di prensa cu un extracto cortico di cada tesis y lo enfoca riba cada graduado. Docentenan di OGM ta felicita e graduadonan y ta desea esnan cu ta den ultimo aña hopi exito cu nan tesis.

- Advertisement -

DUNA COMENTARIO

Please enter your comment!
Please enter your name here