Home Gobierno Cifranan mustra pa Ex Premier Mike Eman no ta di CBS ni...

Cifranan mustra pa Ex Premier Mike Eman no ta di CBS ni di Banco Central

199
0
SHARE
- Advertisement -

Prome Minister:

ORANJESTAD (AAN) – Den conferencia di prensa Diahuebs, cu Minister Presidente mr. Evelyn Wever-Croes, den ronda di pregunta a referi na e tema di cifranan di CBS, cu ex-prome Minister sr. Mike Eman a trece dilanti, durante un conferencia di prensa siman pasa.

Cifranan cu a indica cu inflacion riba comestible na Aruba a yega na 9.8%.

Contestando e pregunta aki, Prome Minister a indica cu gobierno a tuma nota di e cifranan cu e ex-dignatario a presenta, pero Minister di Finanzas ta esun encarga cu CBS y estadisticanan, y Prome Minister tabata sinta cune, ora cu el a wordo confirma cu varios di e cifranan estadistico cu sr. Eman a presenta, no ta di CBS ni di Banco Central.

El a comenta cu sr. Eman a pone un logo riba e cifranan pero cu no ta di ningun di e dos instancianan. Ta den proceso aworaki pa mira kico ta corecto y kico no, y Minister di Finanzas mes lo duna su reaccion al respecto.

Prome Minister no a kita afo cu costo di bisa a subi y ningun hende ta sconde esey. E ta mire incluso, como un riesgo cu gobierno tabata sa cu lo bin na momento di introduci e crisis tax, pero ta importante, mirando e situacion financiero di nos pais, pa toch pone den contexto. Asina e dignatario a indica.

El a reitera cu na momento cu su Gabinete a asumi e mando, nan a topa cu un situacion hopi dificil, a confronta cu cifranan cu a mustra un deficit hopi mas halto cu nan por a imagina mes cu lo por tin. Varios aspecto e dignatario a reitera un bez mas, y por lesa tocante esaki den otro articulo.

- Advertisement -

DUNA COMENTARIO

Please enter your comment!
Please enter your name here