Home Salud Dies persona so por wordo interna na Aruba den caso di problema...

Dies persona so por wordo interna na Aruba den caso di problema mental extremo

337
0
SHARE
- Advertisement -

Aruba den problema serio di capacidad

ORANJESTAD (AAN): Rafael Lopez, kende ta traha na Departamento Social Sikiatrico (SPD) na Dr. Horacio Oduber Hospital a revela recien durante e programa “Entrevista di Dia” na e emisora Hits 100 FM cu tin un cantidad di 328 persona na Aruba cu ta pashent cu problema mental y banda di esey, el a duna di conoce cu un 77% di nan ta pashentnan sicotico, kiermen cu un problema mas serio.

Lopez a indica cu entre 2013 y 2014 nan a atende hopi hoben cu pensamento di mata nan curpa. Esaki ta un grupo cu no ta hendenan sicotico of hendenan depresivo, pero e hecho cu nan tin intension menos bunita caba kiermen cu nan tin un estado emocional cu no ta saludable.

Den casonan asina, un remedi no ta bay yuda. Si ta casonan extremo manera esakinan, no ta laga nan interna. E hecho cu bo ta haya un stempel di a wordo interna por causa mas daño cu e problemanan cu nan tin mes.

Si por evita cu nan ta wordo interna e ora ta purba di analiza kico ta nan problema ora cu ta yega cerca nan y nan ta den crisis. Ta traha palabracionnan pa e siguiente dia.

Den casonan extremo, manera cu hendenan sicotico, cu over dosis di droga, ta imposible pa traha afspraaknan cu nan, duna nan algo y pa wak e momento ey kico ta nan problema na cas. Casonan asina mester laga nan interna na PAAZ, pero banda di esaki mester wak si tin lugar pa interna nan, Lopez a remarca.

Tin un departamento cu capacidad pa interna 10 persona. Kiermen si tin 10 caba no ta tuma e di 11. Respaldo a indica, tin un capacidad pa 40 persona, di cual 20 ta cronico, 10 pa esnan cu tratamento mas largo y 10 pa esnan cu ta wordo interna ora di casonan extremo.

Rafael Lopez a laga sa cu ora ta topa casonan asina mester busca un alternativa y hopi biaha ta hopi dificil pa interna un hende. Si ta un caso di droga por pidi un colaboracion na un instancia cu ta traha den e veld aki.

El a agrega cu SAMBA a bira un “daycare” mientras cu e departamento social sikiatrico no ta traha 24 ora. Esaki ta mustra cu Aruba ta confrontando un problema serio di capacidad. Den caso di mucha, “at all” no tin lugar pa pone mucha, a enfatiza.

Banda di esaki falta personal sinembargo, mester bira creativo y funciona cu loke tin. “Nos falta lugar pa interna hendenan cu ta comete un crimen, esnan cu ta sufri di un malesa sikiatrico y ta comete un crimen y aworaki ta KIA nan tin cu bay y KIA no ta e lugar adecuado. Nos por manda nan afo pa Corsow, pero tampoco ta esey y nos no tin un instituto akinan”.

Kiermen na Aruba no tin un instituto pa mucha ni un lugar pa atende cu un persona cu problema sikiatrico. Na Respaldo tin 20 cama pa cronico, pero tampoco ta e lugar adecua. Ta sinti falta di un lugar (aanleunwoning) pa pone e pashentnan cu ta bibando e problema aki pa hopi tempo.

Tin e fundacion Biba bao Guia cu ta haci su best y ta coopera. Nan ta traha conhuntamente cu FCCA. Nan ta yudando hopi, pero nan tambe ta trahando cu limitacion, Lopez a señala, pero ta un bon manera pa traha den cooperacion cu otro instancianan existente.

 

 

 

- Advertisement -

DUNA COMENTARIO

Please enter your comment!
Please enter your name here