Home Impuesto DIMP a duna tayer na Departamento di Asuntonan Economico y IDEA

DIMP a duna tayer na Departamento di Asuntonan Economico y IDEA

14
0
SHARE
- Advertisement -

Relaciona cu cambionan riba tereno fiscal

ORANJESTAD (AAN) – Departamentonan di Gobierno ta haci uzo di expertonan di diferente departamento gubernamental pa haya informacion cu por yuda nan empleado brinda un miho servicio na comunidad. Asina por ehempel Departamento di Asuntonan Economico y e seccion IDEA a pidi e expertonan di Departamento di Finanza informa personal di Asuntonan Economico di e ultimo cambionan riba tereno fiscal.

Presente na e departamento tabata director di Impuesto Luenne Gomez Pietersz, kende hunto cu su team a prepara un bon session di informacion. IDEA, un seccion nobo di Depto, di Asuntonan Economico, ta duna iniciativa y desaroyo na empresanan nobo. P’esey ta importante pa nan tambe ta na altura di tur tipo di belasting cu ta existi y con nan ta wordo poni den practica. E informacionnan aki ta hopi importante, segun Pieters, pa empresarionan cu ta bay cuminsa cu un negoshi.

E presentacion tabata den forma di un tayer cu casonan practico, cu ta ilustra aspectonan cu e empresarionan mester tene cuenta cu nan. Entre otro tur e terminonan den ley mester tene cuenta cu nan ora di haci cada un di e pagonan aki. E ta contento di mira cu e sala tabata yen, y probablemente lo mester organisa otro sesion ya cu den e formato aki a acepta solamente 40 participante. Tipo di eventonan asina ta masha importante, el a splica, pasobra Depto di Impuesto no tey solamente pa enforsa ley pero tambe pa brinda informacion. Falta di informacion y conocemento ta trece miedo y ta masha importante pa un empresario nobo tin e informacionnan corecto pa cuminsa su negoshi sin ningun miedo.

NO ta prome biaha  DIMP ta duna e tipo di tayernan aki. A yega di hacie caba pa Camara di Comercio, awo cu Depto di Asuntonan Economico y pronto lo tin un sesion hunto cu ATIA tambe. DIMP ta habri pa cumpli cu e deseonan aki, pero mester wordo avisa na tempo, ya cu ta haci uzo di nan expertonan y mester planea esaki pa durante henter un aña. Esnan cu ta duna e informacion durante tipo di eventonan asina, ta e expertonan cu ta cera buki y mester saca nan pa participa cu informacion di tayernan asina. Kier elimina e falta di informacion y pa nan no wordo mira solamente como un departamento cu ta duna boet ora cu no cumpli cu fechanan.

E sesion tabata uno hopi interactivo, unda cu hopi pregunta a wordo haci.

DIMP ta habri tambe pa yuda informacion cu empresarionan chikito cu kier cuminsa algo y den casonan asina como cu e volumen ta chikito, ta conseha e hendenan semper pa cuminsa cu un “eenmanszaak”. E unico fastioso cu e persona ta keda personalmente responsabel, inclusive cu bo propiedadnan. P’esey ora e negoshi bira un tiki mas grandi cambie pa un NV of un AVV. E diferencia ta cu e dos formulanan aki tin nan mesun propiedad y si algo bay malo beslag no ta wordo poni riba cosnan personal. Hecho ta cu den cualkier tipo di negoshi, for di prome dia e empresario ta haya su mes envolvi cu belasting cu mester wordo paga.

 

- Advertisement -

DUNA COMENTARIO

Please enter your comment!
Please enter your name here