Home Gobierno Edificio di Uncle Louis Store ta bay aporta na cultura y herencia...

Edificio di Uncle Louis Store ta bay aporta na cultura y herencia di Aruba

98
0
SHARE
- Advertisement -

Minister Otmar Oduber:

ORANJESTAD (AAN): Diaranzon mainta durante un conferencia di prensa, Minister di Infrastructura Otmar Oduber a papia riba un proyecto di restauracion di Uncle Louis Store na San Nicolas.

Oduber a indica cu for di basta aña tabata papia riba esaki.

Ultimo cu e edificio a wordo uza tabata alrededor di 12 aña pasa como oficina di Douane, segun e mandatario.

Awor e ta bay wordo restaura y ta bay bira un monumento.

Oduber a indica cu den e edificio ta bay tin un departamento di Gobierno, esta Directie Natuur en Milieu(DNM).

Den e ultimo añanan cu a pasa Stichting Monumentenfonds a cumpra e edificio for di Gobierno di Aruba y tin un acuerdo.

E mandatario a splica cu e intencion ta pa den prome cuartal di otro aña cuminza cu e trabaonan di reconstruccion, pa rond di final di otro aña of comienzo di e siguiente e edificio keda full cla pa DNM drenta den dje.

“Nos ta sigui kere den San Nicolas como e ciudad di cultura y herencia aki na Aruba”.

“Nos ta bay sigui cu e proceso di drecha edificionan y inverti pa loke ta trata e futuro economia cu nos ta premira pa San Nicolas, poniendo un edificio mas di gobierno den e area aki”.

Esaki segun e minister di Infrastructura, kende a indica cu asina poco poco lo hasi di San Nicolas un ciudad cu ta  trece e aspecto di cultura y herencia dilanti.

 

- Advertisement -

DUNA COMENTARIO

Please enter your comment!
Please enter your name here