Home Parlamento Endy Croes cu prueba con casa di Gaby Werleman di AVP a...

Endy Croes cu prueba con casa di Gaby Werleman di AVP a bende tereno pa 3.5 miyon Dollar

506
0
SHARE
- Advertisement -

ORANJESTAD (AAN): Parlamentario Endy Croes ta hopi preocupa e manera cu AVP mediante Benny Sevinger y Mike Eman tabata corumpi nos sistema cometiendo fraudenan grandi cu patrimonio di pueblo esta cu terenonan di e pais aki.

E siman aki, Endy Croes a trece un otro prueba dilanti cu ta muestra di e corupcion sin fin cu Mike Eman y Benny Sevinger tabata practica cu patrimonio di pueblo.

Croes a revela na prensa, documento di tereno cu Gobierno a pasa pa “Damira Real Estate”.  E compania aki ta pertenece na esposa di Gaby Werleman, y Gaby ta intimo amigo di Henny Eman (antes riba lista di AVP) y tambe gran amigo y consehero di Mike Eman.

Croes a mustra con Damira Real Estate & Construction N.V. a pidi un tereno comercial como optie pa traha Condominio na Eagle Beach. Manera costumber mesora Minister Benny Sevinger a firma akkoord pa amigonan di cas di Mike Eman haya dicho optie y mester paga un suma di 5.847 Florin. Te hasta tin un ministeriele beschikking na DIP conoci bao DIP # 1758-A riba esaki.

Pa colmo, dia 1 November 2016 Land Aruba ta prepara un erfpachtovereenkomst cu Damira Real Estate cual ta worde firma 24 di november 2016 unda Land Aruba (Benny y Mike) ta duna 3 pida tereno di grandura di 8.850 m2 pa un proyecto pa Condominiumgebouw annex Boutique training facility Cafe y cu ta calcula na 22.2 Miyon Florin.

Manera cu esaki a caba di worde traspasa pa Damira Real Estate, e compania mesora a manda un carta data 29 di November 2016 pa Benny Sevinger haciendo uso di artikel # 22 di e contract di Land Aruba pidiendo Benny su permiso pa Damira Real Estate bende su sharesnan cu Donaco Group V.B.A. Pues ni 5 dia despues y aki claramente ta muestra cu Damira Real Estate tabata tin un cumprador ta para ta warda y tabata abusa di su contacto interno di amistad cu Mike y Henny Eman pa asina cristalisa nan fechorianan.

Mesun dia Benny ta aproba esaki y dia 30 di november 2016, pues djis un dia despues e carta a sali cu aprobacion di Benny cu Damira Real Estate por dal bay bende Shares y pues e tereno di pueblo di 8.850 m2 como optie lo bay cu e shares pa algun amigo di AVP bira miyonario. Asina e benta di tereno tabata bay.

Dia 9 di december 2016 DIP ta manda un carta pa Damira Real Estate NV splicando nan cu di acuerdo cu nan peticion di 29 di november 2016 pa traspaso di Shares minister a bay di acuerdo 1 dia despues, esta 30 di november 2016. Mas tristo di tur e caso aki ta cu e akte di Notaris pa cu e benta di Shares a tuma lugar 30 di november 2016, pues mesun dia cu Minister a firma y bay di acuerdo.

Ta con Damira Real Estate por a ricibi un carta dia 9 di December 2016 cu Minister a bay di acuerdo siendo 9 dia promer unda ya el a bende e sharesnan caba y esaki a pasa 30 di november 2016 na Notaris?

E tereno di 8.850 m2 di Pueblo a worde bendi pa un suma di 3.5 miyon Dollar.

Croes a suministra e Shareholder Resolution. Pues asina e fiesta di corupcion tabata tuma lugar durante gobierno di AVP.  Tambe Endy Croes ta convenci cu ni Mike Eman of Benny Sevinger por bin dilanti y desmenti cu nan no sa.

- Advertisement -

DUNA COMENTARIO

Please enter your comment!
Please enter your name here