Home Politica Fact Check riba cuentanan di Facebook di parlamentarionan di MEP, pa mustra...

Fact Check riba cuentanan di Facebook di parlamentarionan di MEP, pa mustra e berdad

110
0
SHARE
- Advertisement -

ORANJESTAD (AAN): Cuminzando Dialuna a lanza riba tur e cuentanan di Facebook di e parlamentarionan di MEP un video di ‘Fact Check’.

“E video aki ta un serie cu lo bay hasi conoci na pueblo di aworaki pa dilanti e berdad y nada mas cu e berdad”.

“E berdad cu rapportnan y e backup necesario, pa asina nos por informa pueblo debidamente kico ta andando riba Aruba”.

Esaki segun parlamentario di MEP Hendrik Tevreden, durante e conferencia di prensa di tur siman di e partido.

El a sigui bisa cu den fin di siman el a mira algun politico ta purba trece algun disturbio.

“Nos a mira den San Nicolas un campaña organiza pa ex lider di AVP Mike Eman, unda cu nos a conta alrededor di 47 hende”.

“Si nos compara esaki cu e 147 hendenan cu e tabata tin cu pago den su bureau, awe nos ta mira cu e cifra ta cayendo caba na 47 hende cu ta interesa ainda pa sa kico e ex lider aki tin di bisa”.

“Esey ta un muestra na nos cu e politica di dividi y mal informa pueblo y trece disturbio a pasa pa pasado y pueblo di Aruba den su totalidad kier wordo informa debidamente y nan kier wordo goberna na un manera serio”.

Esaki segun Tevreden, kende a sigui bisa cu Fact Check ta algo bon pa ‘follow’, pasobra e parlamentarionan di MEP kier mustra cu kico nan ta contribui na pais Aruba.

“Parlamento nr 10 ta un parlamento hopi dedica y hopi serio pa locual ta e trabao cu pueblo a eligi nos pa hasi”.

“Den esaki nos kier sigui promove e seriedad y sigui educa pueblo riba e cosnan cu ta pasando riba pais Aruba.

- Advertisement -

DUNA COMENTARIO

Please enter your comment!
Please enter your name here