Home Gastronomia Fin di luna lo tin un pop-up restaurant di New Orleans na...

Fin di luna lo tin un pop-up restaurant di New Orleans na Aruba

192
0
SHARE
— Nan lo bay tin Seafood Gumbo tambe.
- Advertisement -

ORANJESTAD (AAN): Renaissance Aruba su proximo ‘pop-up’ restaurant lo hibabo riba un biahe culinario pa un ciudad cu ta ofrece un bida nocturno vibrante, musica cu lo lagabo ‘swing’ y un accento culinario picante cu ta refleha historia di e ciudad, New Orleans!

— Lo bay tin Jambalaya tambe.

Conoci pa e fusion di cultura Frances, Africano y Mericano, e New Orleans ‘pop-up’ ‘Beads & Bourbon’ sigur lo ta na smaak di tur cu ta busca un parentesis culinario. New Orleans ta vivído y ta personifica su espirito festivo di Mardi Gras, y su fiestanan den caya.  Dianan 26 y 27 di october proximo Renaissance Aruba lo ofrece ademas di un biahe culinario, un experencia completo incluyendo musica di Down Town Dixie Society di Hulanda!

Specialmente pa ‘Beads & Bourbon’ RenaissanceAruba lo tin Chef McCarthy di bishita. Chef McCarthy a traha na diferente ciudad na Merca incluyendo, Las Vegas, New York, Pittsburgh, New Orleans y otro partinan di Louisiana. Chef McCarthy ta splica di ta masha entusiasma cu su biahe pa Aruba, “Nunca mi a yega di bishita Aruba. Lo mi kier cera conoci cu e isla,  su cultura y principalmente su cuminda. Di mi parti, tur esunnan cu bishita e New Orleans ‘pop-up’ por spera, platonan intenso, sabornan autentico y ‘creole’. “Let the good times roll!”

‘Beads & Bourbon’ lo ta habri pa lunch y dinner – for di 12’or di merdia pa 10’or di anochi na unda antes tabata Side Bar na Renaissance Marketplace. Disfruta di un dushi Seafood Gumbo, Pulled Pork and Grits, Fried Oyster and Spinach Salad y Smoked Pork Belly Molases Glaze como aperitivo.

Den seccion di plato principal por spera Chicken and Andouille Cassoulet, Grouper Lump Crab Cakes cu Sweet Corn y Pickled Okra, Seafood Jambalaya, y e Bourbon Glazed Baby Back Ribs cu no por keda afor. Dessert? Purba e Creole Bread Pudding, Beignets, Pecan Pie a la Mode y Banana Foster.

Preparabo pa experencia e locura di Bourbon Street cu musica di Down Town Dixie Society, e ambiente sin igual di Canal Sreet y tur e sabornan di Royal Street.

- Advertisement -

DUNA COMENTARIO

Please enter your comment!
Please enter your name here