Home General Hendenan a bira mas conciente y ta actuando preventivo pa evita candela

Hendenan a bira mas conciente y ta actuando preventivo pa evita candela

30
0
SHARE
- Advertisement -

Ferdinand Ponson di Cuerpo di Bombero

ORANJESTAD (AAN):  Ferdinand Ponson di Cuerpo di Bombero, den entrevista cu DIARIO a duna di conoce cu te cu awor tur cos ta bayendo miho pa Brandweer.

El a bisa cu miho kiermen den e sentido cu nan ta sali ora di control y e hendenan ta concientizando hopi nan mes di kico nan mester haci pa preveni candela.

Tin hopi lugar cu ta bezig haciendo nan trabao pa logra preveni candela y ta forma un team special pa si tin un alarma ta bay “on” pa nan sa unda nan mester bay y kico mester haci manera un plan di evacuacion, a remarca.

Ponson a bisa tambe cu tin hopi persona a bira conciente y ta trahando den forma preventivo pa evita candela.

E conseho cu e tin pa comunidad ta pa sigui traha riba e parti di prevencion. Den caso cu bo ta cushinando pa keda paga tino ariba stove. Laga telefon un banda.

Ora bo bay plug bo television, no pega tur cos riba un solo outlet. Paga tino riba esaki pa e no “overheat” causando peliger pa un candela.

El a menciona tambe pa tene cuenta cu e temporada di clapchi, cu kerstboom y ora bo sali for di cas pa corda paga e belanan cu bo a cende pa bo cas hole dushi.

Brandweer ta bezig ta train cu Ranpen Bureau pa cualkier calamidad. Algun siman pasa tabata tin un training y tur cos ta bayendo den un bon cooperacion entre e instancianan concerni, Ponson a subraya.

- Advertisement -

DUNA COMENTARIO

Please enter your comment!
Please enter your name here