Home Salud Mas di 24 mil hende muher a haci mammogram pa detecta cancer...

Mas di 24 mil hende muher a haci mammogram pa detecta cancer di pecho tempran

111
0
SHARE
- Advertisement -

Fundacion BOB a celebra 6 aña di existencia

ORANJESTAD (AAN):  Ariba 12 di October 2012 fundacion Borstkanker Onderzoek BOB Aruba a wordo funda door di un grupo di persona preocupa y cu sigur hopi amor pa nan trabao y empeño pa detecta cancer na pecho tempran.

Stichting BOB Aruba durante e 6 aña aki a traha duro y a logra tambe hopi. Awor despues di 6 aña a yama mas cu 24 mil hende muher den e edad di 45 pa 75 aña pa bin haci nan mammogram pa asina por detecta cancer na pecho tempran.

Detecta e malesa aki tempran sigur ta yuda baha e mortalidad, no mester muri mas di cancer na pecho y tambe baha e tratamentonan asina pisa cu ta sigui ora detecta laat.
Hopi hende muher ainda no ta yega pa haci nan test di pecho.

Sea nan tin miedo di e comprencion cu ta diferente pa cada hende, sea pa e rayo x cu e machin ta duna ( cu ta hopi mas abao cu tur rond di nos) of sea cu nan tin miedo di tende un resultado malo. Kiko ta mas malo cu ta laat y tin cu pasa den tur e dolornan cu ta sigui dor di tratemento pisa asina un patient di cancer na pecho a bisa.

Na aña 2016 despues di a prepara tur e facilidad y oficinanan den e edificio di IBISA na Frankrijkstraat 1 a cuminsa cu 5 persona y a cuminsa yama tur hende muher di e edad di 45 pa 75 aña.

Despues di dos aña por tabata basta satisfecho cu a atende casi 40% di esnan cu a wordo yama y awor den e di dos yamada e cantidad ta subi y ta spera di logra ricibi 50% of mas di esnan yama.

Tambe lo kier a presenta nan manager nobo cu ta Sr. Davy Aparoe cu lo reemplaza Sra. Enrita Werleman pa cu e maneho di e oficina aki.

Ta desea sr. Aparoe tur clase di exito y tin sigur cu lo e sigui guia e fundacion den bon caminda y tambe cu tur e retonan nobo dilanti.

Pabien Stichting BOB Aruba. Bo a bin pa keda. Pa cualkier pregunta por yama di dialuna te cu diarbierna di 8 -4.30 na telefoon 5881212.

Ariba e potret team BOB Aruba cu Sr. Aparoe para dilanti.

- Advertisement -

DUNA COMENTARIO

Please enter your comment!
Please enter your name here