Home Social Mas di 5 aña un Dama buscando transport pa su dos yiunan...

Mas di 5 aña un Dama buscando transport pa su dos yiunan autista y sin exito

532
0
SHARE
- Advertisement -

ORANJESTAD (AAN): Susana Dijkhoff, tin por lo menos 5 pa 6 aña buscando transport pa su dos yiu muhe cu ta special. El a bay scol, el a bay Arubus, y back pa scol, y ainda no por keda cla.

Un biaha mas el a hay’e ta cana atrobe riba e caso. El a splica cu el a muda den dos pa tres ocasion pa purba facilita e transporte.

Segun Dijkhoff a splica, e no tin auto di su mes.  E auto cu e ta core ta di su mama, y e ta un caso poco fastioso. Y el a dicidi di bolbe bay Arubus, yama y nan ta bis’e cu e mester tuma contact cu scol y vice versa. Y Señora Susana a fada.

Te cu algun siman pasa cu school a cuminsa back, su yiunan a keda sin bay scol pa dos dia. Ora el a hiba su dos yiunan school, nan a bis’e cu su yiunan ta leerplichtig y cu nan no por keda cas. Señora Dijkhoff ta bolbe splica nan e situacion, cu e tin varios aña tras di scol, y di Arubus, pero e no ta mirando solucion.

Departamento Social no ta yudando pa haya solucion pa transport pa su yiunan. Señora Susana a splica cu e tabata biba antes na Papilon y el a splica cu Tanki Leendert a haya un respuesta negativo, el a muda pa Papilon. Y un di su yiunan ta bay EPB. A splica tambe cu ta trata dos mucha special, cu no por keda para dilanti 88 Foodmart, sperando ariba bus.

E yiu mayor ta basta agresivo y no ta mucha cu por lag’e su so. E mama ta haya cu e no ta ricibiendo ningun yudansa, pa su dos yiunan autista. E no por cana cu e dos muchanan riba caminda grandi.

Unico cu e mama, Señora Dijkhoff ta splica cu el a bay Arubus hopi biaha y cu nan mester ta mas consciente cu muchanan autista. E trato pa e muchanan aki ta laga hopi di desea.

Que hubo di Fundacion Autismo?  El a bisa cu e no a acerca nan ainda. Ta via scol y Arubus e tabata bezig ta cana su caminda buscando un solucion.

Den pasado, el a yega di bay te na Minister y e no a haya ayudo. Aruba falta di mas cuido y tene cuenta cu muchanan cu ta cay bao spectrum di autismo, cu ta hopi mucha autista tin. Tin hopi mama cu lo ta pasando e mesun situacion cun’e, e no ta haya hende pa haci transport. Nan ta bis’e cu e ta biba leu of nan ta pidi hopi placa pa haci transport.

E ta un situacion hopi dificil, ya cu e ta mama soltera y lo desea di haya un yudansa tocante di su yiunan, segun Señora Susana Dijkhoff.

 

- Advertisement -

DUNA COMENTARIO

Please enter your comment!
Please enter your name here