Home Parlamento “Mester keda corda y ripiti: Parlamento ta e Hefe di Gobierno”

“Mester keda corda y ripiti: Parlamento ta e Hefe di Gobierno”

13
0
SHARE
- Advertisement -

Parlamentario Alan Howell:

ORANJESTAD (AAN) – Den conferencia di prensa di fraccion di POR, Parlamentario Alan Howell a subraya cu mester keda corda cu Parlamento ta e Hefe di Gobierno, y ta importante pa keda ripiti esaki.

El a señala cu si e parlamentarionan hoben cu ta awo den Staten por sigui manda e mensahe aki durante e cuater añanan aki, por mira un gran diferencia pa loke ta politica na Aruba y mustra con e mester ta y automaticamente cu e forma aki lo kita e “stempel parliament” conoci.

Pa refleha esaki, e parlamentario a comenta cu el a pidi e “vragen uur” pa yama Minister Lampe ken corectamente a bin Parlamento y a contesta dos pregunta cu sr. Howell tabata tin pe, pa puntra di con renovacion di Biblioteca San Nicolas a tarda asina hopi y ki tempo e trabao ey ta caba, y e mandatario a referi e na Minister Otmar Oduber, na ken e tambe a yama y a bin aden pa bin duna cuenta na Parlamento.

El a remarca cu asina Parlamento mester funciona, y na bienestar di pueblo ta deber di parlamentarionan pa controla gobierno. Nan por sostene gobierno den cosnan cu ta bon, pero na momento di scrutina y controla gobierno, nan mester tey tambe, di cual partido cu nan ta.

- Advertisement -

DUNA COMENTARIO

Please enter your comment!
Please enter your name here