Home Parlamento Mester prepara alumno y maestronan bon pa haci uso di tecnologia y...

Mester prepara alumno y maestronan bon pa haci uso di tecnologia y innovacion

24
0
SHARE
- Advertisement -

Edgar Vrolijk:

ORANJESTAD (AAN): Dialuna durante e conferencia di prensa di tur Dialuna di fraccion di MEP, parlamentario Edgar Vrolijk a papia di enseñanza.

El a papia di e proyecto di ‘Mobile Marker Space’ cu a wordo lanza Dialuna.

“E proyecto aki ta pa hobennan por yega cerca di tecnologia y innovacion, pa explora y experimenta y hasi e hobennan kaweta pa bay den e mundo ey”.

Esaki segun Vrolijk, kende a sigui bisa cu pa 2030 mester percura pa un enseñanza di calidad y cu den esaki tecnologia y innovacion ta hunga un rol hopi importante.

“Mi ta contento pa wak cu Prome Minister ta na Merca firmando diferente contrato y MoU cu universidadnan, pasobra nos tin cu stop di keha y bay traha”.

“Nos tin cu cuminza un caminda pa trece e cambio den educacion”.

“Si nos kier tin un enseñanza di calidad pa 2030, nos mester trece cambionan radical, pero structural”, segun e parlamentario, kende a bisa cu lamentablemente un e proyecto inovativo di tecnologia cu un hoben a hinca den otro pa un school na Noord, a wordo nenga door di e minister di Enseñanza actual.

“Mi ta lamenta esaki, pasobra den un congreso di educacion di cual nos a caba di bin bek, nan a bisa cu cambionan mester ta flexible, pues mester crea e oportunidad pa bin cu cosnan nobo y si na caminda mester drecha tin cu drecha”.

Esaki segun Vrolijk, kende a sigui bisa cu mester corda esnan encarga cu solamente pone internet na school no ta suficiente, sino mester wak cuanto docente na school ta prepara pa e cambio tecnologico aki.

El a indica cu e no ta kere cu suficiente a wordo hasi pa prepara pa e cambio.

“Mester siña e mucha tambe con pas busca e informacion corecto eyfo, pasobra ta importante pa siña e mucha pa hasi uso di tecnologia na un manera optimal”.

“Ta importante tambe pa hinca hopi placa den e docentenan, pa prepara nan pa futuro”.

“E curriculum escolar di IPA tambe mester ta prepara, pa ora cu e mucha nan caba cu nan estudio nan por drenta e mundo ey”, segun Vrolijk.

 

 

- Advertisement -

DUNA COMENTARIO

Please enter your comment!
Please enter your name here