Home General Miembronan di Cuerpo di Bombero cu Santo Sacrificio di Misa

Miembronan di Cuerpo di Bombero cu Santo Sacrificio di Misa

21
0
SHARE
- Advertisement -

Celebrando Dia di Bombero

ORANJESTAD (AAN):  Diamars mainta tabata tin un Santo Sacrificio di Misa na Santa Cruz pa Cuerpo di Bombero. Ferdinand Ponson a duna di conoce cu dia 9 di October tabata Dia di Bombero y den cuadro di esey a tene e misa special aki pa gradici Dios y pidi cuida esnan trahando den Brandweer den e trabao valioso cu nan ta haci pa comunidad.

El a bisa cu nan a cuminza cu e celebracion di e “Fire Prevention Week” desde siman pasa. Dia 30 di September nan tabata tin e “Brandweer Loop”, dialuna tabata tin “seso-sport”  y diamars bowling pa tur e plugnan. Diaranzon tabata tin domino, diahuebs futbol, diabierna, diasabra y diadomingo softball na veld di Flatstone.

Diamars ultimo  a cuminza cu e celebracion oficial cu e Santo Sacrificio di Misa, pa diabierna awor lo tin e parada pa 5or di atardi cu ta sali for di Paddok Cafe y lo caba na Wilhelmina Park, Ponson a indica.

Pa diadomingo awor, 14 di October, ta bay tin e famoso opendag di Brandweer unda lo tin actividadnan pa e muchanan, foodtruck, zipline, y hopi evento mas cu e muchanan gusta. Tur cos ta completamente gratis, logicamente cu excepcion di cuminda y bebida.

 

 

- Advertisement -

DUNA COMENTARIO

Please enter your comment!
Please enter your name here