Home Enseñanza Minister Lampe cu recomendacion na studiantenan pa keda studia den region

Minister Lampe cu recomendacion na studiantenan pa keda studia den region

77
0
SHARE
- Advertisement -

ORANJESTAD (AAN): Tin algun preocupacion na Hulanda. Falta di espacio pa nos studiantenan cu ta sali. Hasta a bisa pa tin un garantia pa tin un caminda di drumi, pasobra tin scarsedad no solamente di nos studiantenan, pero di tur otro parti na Hulanda pa un apartamento ora di bay studia.

Minister di Enseñanza, Rudy Lampe, a splica cu fraccion di POR, parlamentario Marisol Lopez-Tromp a manda varios pregunta pa e minister riba e topico aki.

Ta un preocupacion real, e mandatario a splica. Hulanda, na e momentonan aki ta pasando den un periodo di boom economico door di Brexit, debi cu Inglatera, e desaroyonan cu tin eynan, hopi centro financiero ta move bay Amsterdam, Rotterdam y esey ta haci cu e prijs di real estate ta subiendo enormemente na Hulanda.

E di dos aspecto ta cu Hulanda a bira un centro di atraccion, no solamente pa capital financiero, sino tambe pa studiantenan internacional. Door cu hopi di e programa, cursonan cu nan ta organisa, ta na Ingles.

Pesey bo ta mira cu vooral for di China, door cu Universidad di Groningen a firma un acuerdo di cooperacion cu universidadnan na China, ta haya e interes pa bay studia na Hulanda ta enorme.

Door di esey ta haya cu camber pa studiantenan, e demanda ta asina grandi cu nan ta birando schaars y caro.

E dos desaroyonan aki ta haci cu enberdad, cu pa nos studiantenan cu ta bay Hulanda, en berdad, haya un camber awor aki, no ta facil. E ta un desaroyo cu no ta den nos man.

No por influencia esaki, pasobra ta desaroyonan internacional. E mandatario ta pensa cu ta un motivacion mas pa bisa nos studiantenan pa keda studia na Aruba. Mester amplia e ofertanan educativo na universidad na Aruba. Awor aki ta posibel cu bo por haci hopi curso online y pesey ta den deliberacion tambe cu Open Universiteit pa wak ki posibilidadnan di cooperacion por tin pa asina aki nos studiantenan por keda aki of den nos region mes, pa asina haci nan estudio di educacion superior, mirando e desaroyonan aki na Hulanda.

Minister Rudy Lampe a splica cu tin cierto careranan naturalmente cu no por ofrece e estudionan aki na Aruba y e ta bay keda un reto grandi pa nos. Pesey e mandatario lo recomenda tambe studiantenan cu ya tin pensa pa bay studia na Hulanda, pa lo mas tempran posibel cuminsa busca un camber na Hulanda.

For di awo caba cuminsa esnan cu ta preparando pa bay otro aña pasobra e mercado di cambernan pa studiante na Hulanda, ta hopi bao di presion actualmente.

 

Interes pa keda studia na Hulanda

E minister a menciona cu e ta mirando e trend eynan for di aña pasa pa keda studia den region ta creciendo. Esey tin cu bay stimula. Pasobra e ta cumbini Aruba tambe pa nos studiantenan cu keda studia den e region, ta keda traha tambe e ora ey na Aruba.

Mientras cu hopi esnan cu ta bay Hulanda, no ta bin bek. Esey ta e famoso Brain Drain. Nos ta perde nos inteligencia.

Na prome luga e ta un factor financiero cu e pago, e salario cu ta ricibi na Euro na Hulanda di loke por ofrece na Aruba y por paga nan studielening, e ta cumbini nan e ora ey pa acepta un oferta di trabao na Hulanda.

Esey ta un realidad cu mester siña biba cun’e, cu e studiante ta wak su interes personal tambe cu rason, cu si e haya un miho salario na Hulanda pa por paga su studielening, e ta acepta esey.

E ora e ta prefera di keda Hulanda en bes di bin Aruba, e mandatario a comenta.

 

- Advertisement -

DUNA COMENTARIO

Please enter your comment!
Please enter your name here