Home General Minister Presidente a pone enfasis cu gobierno no a aproba aumento tarifa...

Minister Presidente a pone enfasis cu gobierno no a aproba aumento tarifa di awa y luz

146
0
SHARE
- Advertisement -

Tocante kehonan riba cobranza halto:

ORANJESTAD (AAN) – Durante e ronda di pregunta den conferencia di prensa cu Minister Presidente, mr. Evelyn Wever-Croes, a referi na e hecho cu tin hopi keho den pueblo, cu prijs di coriente y awa a subi tras di lomba di Gobierno.

E dignatario a expresa cu esaki ta un reclamo cu Gobierno tambe ta hayando di diferente persona, cu apesar cu Gobierno no a aproba un aumento di tarifa, cu nan ta ainda mescos cu nan tabata, asina mes tin hendenan cu a haya cobranzanan mas halto pa e mesun uso.

E mandatario a bay puntra esnan concerni, con esaki por ta, y e prome reaccion cu el a haya ta cu nan no ta tuma e meter regularmente, y tin biaha nan ta bin tume despues di un par di luna, y ta resulta cu e uso ta mas halto, anto nan ta cobra mas.

Toch pa peticion di Prome Minister nan ta haciendo un investigacion mas profundo, pa mira si ta solamente esey of kico otro por ta e caso, y e dignatario ta pendiente di e resultado.

El a haci enfasis cu gobierno no ta nada contento cu e asunto aki, siendo cu nan a bisa pa no hisa prijs ni a aproba un aumento di tarifa tampoco, pero e consumidor ta wordo confronta cu cobranzanan hopi mas halto.

- Advertisement -

DUNA COMENTARIO

Please enter your comment!
Please enter your name here