Home Cultura Monumentenfonds ta anuncia prome fase pa restauracion di Ex Botica Aruba 

Monumentenfonds ta anuncia prome fase pa restauracion di Ex Botica Aruba 

102
0
SHARE
- Advertisement -

ORANJESTAD (AAN):  Na aña 2015 Stichting Monumentenfonds Aruba (SMFA) a cumpra e edificio di Ex Botica Aruba na Steenweg 19.

Generalmente prome cu haci compra di un edificio tin algun rekisito  cu SMFA ta exigi pa por cumpra e edificio, un di nan hopi importante ta cu mester tin un huurdo pa termino largo pa por sigui cu e proceso pa adkiri e monumento.

Den e caso di e edificio monumental aki na Steenweg na momento di compra no tabata tin un huurdo pa e edificio pero debi na e circumstancianan y cu e edificio lo a core peliger di cay den man di comerciantenan cu lo a basha esaki abou SMFA a tuma e decision di cumpra pa asina por salba esaki.

Despues di e compra e edificio a keda apunta manera monumento proteha y a ricibi su seyo di Monumentenbureau cu ta e oficina di gobierno cu ta encarga cu proteccion di monumentonan.

SMFA actualmente ta preparando pa cuminsa cu e proceso pa bay restaura e edificio aki parti pafor. E prome fase ta bay ta e fase di investigacion y diseño, esaki lo ta den man di Arkitecto Leo Ponson di Archiosa y bou di guia di nos lider di proyecto nobo cual ta Sr. Xavier Arends. Despues di esaki lo sigui otro aña cu un destaho publico y e restauracion.

Na momento cu logra finalisa un acuerdo di huur e ora SMFA lo renoba e parti paden di e edificio segun e necesidadnan y exigencia di e huurdo. Semper nos ta habri pa huurdonan interesa, sea ta un edificio di SMFA of pa yuda nan busca un edificio monumental.

Tur huurdonan interesa por tuma contacto cu Stichting Monumentenfonds (www.monumentenfondsaruba.com) of pasa na nos oficina.

SMFA ta orguyoso di por contribui na preserva nos herencia cultural pa por comparti esaki cu e comunidad y bishitantenan di Aruba.

 

- Advertisement -

DUNA COMENTARIO

Please enter your comment!
Please enter your name here