Home Cultura Museo Historico lo organiza un festival di caha di orgel combina cu...

Museo Historico lo organiza un festival di caha di orgel combina cu festival di cuminda

55
0
SHARE
- Advertisement -

ORANJESTAD (AAN) – Mariana Paula, Manager di Museo Historico (Fort Zoutman), den conferencia di prensa a duna informacion, y alavez a invita henter pueblo di Aruba, na nan siguiente evento cultural, cu lo tuma lugar dia 3 di November proximo, cu ta consisti di un festival di caha di orgel, den ambiente navideño.

E hoben a menciona cu Museo Historico ta forma parti di Fundacion Museo Arubano y nan ta haya hopi importante pa salvaguardia, comparti y traspasa nos herencia cultural.

“Pesey e tipo di eventonan aki ta di suma importancia pa nos como museo. Henter e pueblo ta custumbra di tin diferente actividad den Fort Zoutman un 25 di Januari of un 18 di Maart, cu ta hopi, pero hop bon bishita. E aña aki mes nos a haya mas di 300 mil bishitante y e cantidad aki ta sigui crece”, sra. Paula a menciona.

El a expresa tambe cu nos hendenan por conoce un tiki mas di e museo y e aña aki e exposicion tambe a haya un cara nobo; por ehemplo, tin diferente ofishi bieu den e exposicion, manera e verfdo, parti di carpinteria y tambe otro articulo den e parti meymey relaciona cu cosedo of cu fotografo.

Pero aparte di e museo cu nan ta uza pa exposicion, pa traspasa nos herencia,  tambe nan ta organiza eventonan cultural manera dia 27 di April di e aña aki pa prome biaha a organiza nan “Willem’s Blok Feest” pa celebra Dia di Rey y cu tabata mas tanto un fiesta anochi, pues algo totalmente diferente pa Museo Historico.

Tambe Fort Zoutman tabata hopi bezig cu muchanan unda nan a ofrece diferente tayer di trabao, y e aña aki a enfoca riba carpinteria. E muchanan por a conoce mas di Aruba su historia y pa un dia nan tabata carpinte. Mas di 300 mucha a participa y nan tabata hopi contento trahando nan boto, entre otro.

Museo Historico no ta para estatico pero ta dinamico y hopi diverso. Sra. Paula a menciona e famoso Bon Bini Festival, cu ta tuma lugar tur Diamars anochi na Fort Zoutman cu aworaki ta bisti un bachi nobo. E show aki ta hopi gusta pa nos hende local y nos bishitantenan, e dama a menciona, y a invita nos comunidad pa tambe bin bishita.  Entre otro, durante e show aki ta bin dilanti nos bunita caha di orgel.

Sra. Paula a menciona cu el a wordo pidi pa sr. Arthur Kelly, pa bin cu un festival di caha di orgel, y mesora el a bisa si.

Seguidamente sr. Kelly a hiba palabra y a splica cu berdad el a acerca Mariana Paula, pa organiza un festival di caha di orgel combina cu un festival di cuminda, den un ambiente navideño na Fort Zoutman. E festival grandioso aki, lo tuma lugar Diasabra 3 di November proximo y e ta un evento completamente cultural pa henter e famia por bin disfruta di e atardi-anochi aki.

Durante e evento aki e museo lo ta habri pa publico. Den e festival di caha di orgel lo tin diez tocado  participante, cu lo deleita e publico cu nan melodianan.

E cahanan di orgel cu lo ta presente ta: Olga, Boecoerei di Nai Felicia, El Diamante di Patan Farro, Nos Ambiente di Nelson Sprok, Miranda di Nelson Thiel, Solterito di Soltero Geerman, Trupialen di Oslin Tromon y El Porfiado di Miguel Werleman, cu ta esun di mas bieu registra, y ta data di aña 1905. Kiermen e tin mas cu 100 aña y ketobay ta tocando.

 

 

 

 

- Advertisement -

DUNA COMENTARIO

Please enter your comment!
Please enter your name here