Home Impuesto No mester lubida cu tin trabao pa haci ainda cu e conseho nan...

No mester lubida cu tin trabao pa haci ainda cu e conseho nan di OECD

33
0
SHARE
- Advertisement -

Directora DIMP: mester pone mas atencion riba “Availability of Information”

ORANJESTAD (AAN): Tin cierto puntonan cu a bisa cu ta recomendacionnan cu tin cu atende cun’e, durante e reunion cu OECD na Paris. Si no a cumpli y si e rating a wordo ahusta pa un ‘partially compliant’ of un ‘non-compliant rating’, Aruba lo a haya su mes riba un lista preto, unda cu tin consecuencianan tambe pa pais Aruba, riba e tarima internacional, segun directora di Departamento di Impuesto, Luenne Gomez-Pieters.

Tabata momento nan toch basta intensivo y cu hopi stress pa por a percura pa splica con e sistema ta traha na Aruba, con nos leynan ta funciona na Aruba y con intercambio di informacion ta bay.

Puntonan di atencion di OECD ta por ehempel riba e tereno di availability of information. Tin tres categoria cu nan ta asesora cada pais (1) disponibilidad di informacion, (2) accesibilidad di informacion y (3) intercambio di informacion.

Esey tabata puntonan cu nan ta wak tur pais riba dje. Caminda cu lo mester bay mehora y/of cambia e ley nan vigente ta ariba e tereno di ‘availability of ownership and identity information’. Lo mester bay actua rapido cu tur e recomendacion nan di OECD pa tin esaki nan in place pa juni 2019.

Directora di Departamento di Impuesto, a splica cu tin paisnan cu ta core miho cu nos. E rating ta core di ‘compliant’ pa ‘non-compliant’. Si un pais ta ‘non-compliant’, bo ta den un situacion hopi dificil mes.

Aruba a haya un ‘overall rating’ y pa cada 10 elemento individual.  E ‘overall rating’ ta “Largely Compliant”. E meta final  ta naturalmente pa drenta den e categoria di “Compliant”.

Segun Gomez-Pieters, ta un momento den historia pa celebra mirando cu otro paisnan grandi manera Argentina, Brasil, Canada, Chile, Hong Kong, Israel, Italia, Jamaica, Hapon, Hulanda tambe a score “Largely Compliant” pero no mester lubida cu tin trabao pa haci ainda cu e conseho nan di OECD.

 

- Advertisement -

DUNA COMENTARIO

Please enter your comment!
Please enter your name here