Home Policial No solamente e sistema di examen ta bay cambia pero tambe lo...

No solamente e sistema di examen ta bay cambia pero tambe lo haya refuerso di personal

202
0
SHARE
- Advertisement -

Tin un lista di spera te na Mei 2019 pa rijexamen

ORANJESTAD  (AAN): Awor aki tin un “waiting list” te na Mei 2019, cual ta basta largo pa pasa examen di rijbewijs, segun Alex Pieters di e departamento di Motor Unit di Cuerpo Policial.

Mirando cu tin un averahe di mas of menos 80 pa 90 hende cu por wordo examina pa siman awor aki normal, ta bay hisa esey den e pilot den un siman, 240, den e siguiente siman 240 atrobe.

Categoria B ta e categoria cu ta mas tanto awor aki ta pasando examen. No ta bay spera tampoco cu di 240, tur 240 ta bay slaag. E comienso tambe tin cu bay custuma na e sistema. Si tiki mas cu esey slaag mes, ya caba ta bay haci un inhaalmanouvre, cu ta sperando cu pa December/Januari, a haal in full e atraso. No solamente den e sistema di examen ta bay cambia, pero tambe lo bay haya un refuerso di personal.

Ta bay haya 7 hende extra pa yuda, vooral den comienso pa por handle tur candidato. Por bisa cu e pilot lo bay draai, caminda cu lo examina 2 dia pa siman teoria y 3 dia pa siman praktijk pa e sistema nobo di e pilot. E resto di dianan, e personal cu lo yuda pa reforsa, lo bay yuda den e retraso cu tin na e oficina di rijbewijs.

Ta di spera cu lo por bay haal in e retraso cu ta mas of menos un 7pa 8 luna, haci’e pronto den dos pa tres luna y pa otro aña ya caba ta spera cu e sistema nobo aki, no lo tin retraso mas. E meta ta pa yega un momento cu e persona ta tuma les prome y e momento cu e ta cla pa examen, e por bin busca un fecha. Por bin por ehempel awe busca un fecha.

Loke ta bay ta un cambio diferente cu tin cu bay wak ainda, con e reaccion di e rijschoolnan lo bay ta y tambe e candidatonan, ta cu e teoria y praktijk ta mesun dia hunto, lo bay wordo gesplit for di otro.

Ora di slaag

E practica y teoria no lo ta mesun di a mas. Na momento cu nan caba cu examen, e software ta genera di biaha e resultado. Esey nan ta haya di biaha. Ora nan slaag pa e teoria, nan lo haya un fecha pa praktijk di biaha y si nan no mak’e pa teoria, nan lo haya un fecha pa herexamen.

Dicon ta haci esaki

Si 10 hende den un ora bay pasa examen di teoria y si pone 10 hende pa praktijk pa e mesun ora, y 4 pa 5 hende druip, lo bay tin algun spot habri. Lo bay habri esaki for di otro door di constant lo tin ora di teoria y constant pa esnan cu slaag, por yena e siguiente dia of despues di algun dia e ora di praktijk. Di dos motibo ta cu a bin cun’e como regla, unda cu ta cambiando varios cos y beleid tambe, cu pa den futuro, ora cu e persona slaag cu su teoria, e ora ta bay ta su momento cu e por cuminsa tuma les di praktijk.

Ta un dilema cu polis ta para hende riba caya  y ta bisa nan cu nan ta hayando les di rijbewijs, pero polis no sa con leu nan a siña e reglanan y con leu nan ta cu teoria si nan a pase of no, y kico nan sa. Cu esaki ta bay pone cu e persona pa e por cuminsa tuma les di praktijk pa core riba caminda, e mester a slaag pa su teoria. E ora e ta bay haya un papel pa esaki tambe. Tumando les, e por demostra polis riba caya, cu el a slaag pa teoria y ta tumando les, cu ta un prueba mas miho, en bes cu awor aki ta manera ta un free for all, cu no sa ken ta dunando les of si ta berdad ta tumando les e momento ey, of ta hortando un shot y ta coriendo rond.

Tambe ta haya cu e ta un miho control pa polis y pa e rijscholen cu prome cu bay duna les di praktijk, ta sigur cu e persona aki sa su reglanan corecto y el a slaag tambe pa su teoria, pa e ora cuminsa core riba caminda.

Sistema manual

Na e momentonan aki, e cuminsamento di e pilot, ta by choice. Ta laga e rijscholen cuminsa scoge nan hendenan. Despues di esaki e hendenan ta scoge pa schrijf in ainda riba digital of mondeling. Despues lo pone un fecha cu ta fiho cu awor aki entrando tal fecha tur hende tin cu bin digital, categoria B. Pero ta bay tin un opening tambe pa un bijzondere examen, cu e hendenan aki por pidi pe, si nan tin un motibo medico, den sentido di cierto problemanan psicologico, manera claustrofobia of no por ta den cierto leslokaal, of hendenan cu ta molesti’e rond di dje.

Si tin algun motibo cu e no por pase cu computer, e por haci un peticion pa pasa un bijzonder examen, cual ta mondeling examen. Esey ainda ta conta pa categoria di truck y bus, cu lo bay keda mondeling voorlopig. E opcion aki tey.

 

- Advertisement -

DUNA COMENTARIO

Please enter your comment!
Please enter your name here