Home Parlamento “Nos kier pa nunca mas pueblo di Aruba cay den e manipulacionnan...

“Nos kier pa nunca mas pueblo di Aruba cay den e manipulacionnan di Mike Eman”

120
0
SHARE
- Advertisement -

Endy Croes:

ORANJESTAD  (AAN): Dialuna durante e conferencia di prensa di tur Dialuna di fraccion di MEP, parlamentario Endy Croes a indica cu e kier coregi informacionnan eroneo cu opositornan politico a trece dilanti.

Croes a reacciona riba un articulo den prensa den cual ex Prome Minister Mike Eman a bisa cu loke AVP a drecha den 8 aña, gobierno di MEP a kibra den 1 aña.

“Ora cu Eman a perde eleccion, el a yora dilanti di camara y el a bisa cu e ta retira, en bez di bin representa su 7 mil votadornan den Parlamento”.

“Awor cu el a mira cu e oposicion di su partido ta asina zwak, el a cuminza Sali den publicidad”.

“Ora cu Mike kier bin dilanti pa cuminza manipula locual el a hasi 8 aña largo cu prensa paga, ta momento corecto cu nos lo para riba como parlamentarionan di e coalicion aki, pa trece e berdad riba mesa y keda informa pueblo”, segun Croes.

El a sigui bisa cu e intencion ta entre otro pa nunca mas nos cay den e trampa di Mike Eman.

“El a cuminza hasi exactamente locual e tabata hasi na 2009”.

E parlamentario di MEP a bisa cu den e articulo di Eman el a bisa cu AVP a haya un Gobierno di Nel Oduber na 2009 cu un situacion fragil di finanzas, cu un debe grandi y cu un economia stagna.

“Ora cu nos a hasi un ‘fact check’ riba locual Eman a skirbi, nos wak cu gobierno di Nel Oduber a laga den caha 280 miyon florin cu a drenta di BBO di Valero”.

“Tabata tin tambe 250 miyon di Plant N.V, 190 miyon di FDA y asina nos por sigui menciona diferente suma, cu a suma na 970 miyon florin cu Eman a haya den caha pa cuminza goberna”.

Esaki segun Croes, kende a sigui bisa cu pesey ta increibel pa tende kico e ex Prome Minister ta trece dilanti.

“Den e tabel di Banco Central bo ta wak cu Aruba tabata tin un debe na 2009 di 2.2 biyon florin”.

“Desde Status Aparte 1986, tur Gobierno di turno hunto a laga un debe atras di 2.2 biyon florin”.

“Loke ta resalta den e tabel aki ta cu bo ta mira cu na 2016 ya caba e debe a bira 4.2 miyon florin”.

E parlamentario di MEP a bisa tambe cu un KB a bin door di mal maneho di parti di Gobierno di AVP.

Croes a bisa tambe cu Raad van Advies a pone claramente riba papel, cu nan no tabata kere den e presupuesto cu  Eman a bin cune di tempo cu el a haya e KB.

“Nos tur sa cu Mike Eman y su grupo tabata presenta presupuestonan ficticio”.

“Nos kier pa nunca mas pueblo di Aruba cay den e manipulacionnan di Mike Eman”, segun Croes.

 

 

- Advertisement -

DUNA COMENTARIO

Please enter your comment!
Please enter your name here