Home Salud Oncologo Dr. Jonkhoff a basha abao riba maneho tiranico y dictatorial na...

Oncologo Dr. Jonkhoff a basha abao riba maneho tiranico y dictatorial na Hospital di Aruba

6994
0
SHARE
- Advertisement -

ORANJESTAD (AAN): E maneho ta uno malico, tiranico, y dictatorial.  Esey ta loke Dr. Jonkhoff a revela e siman aki den un contacto cu DIARIO.

Dr. Jonkhoff pa ultimo 7 aña y mey, a dedica su mes completamente na trata pacientnan cu enfermedadnan oncologico (cancer) y hematologico (sanger).

Na comienzo, Dr. Johkhoff tabata hopi contento con e trabao ta andando na Aruba.  E progreso lento cu el y su pacientnan a bin ta logra, lamentablemente a “bolter” un par di aña pasa y a cuminsa bay atras.

Segun su propio palabranan, e progreso aki a deteriora “debi na un maneho malo, tiranico y dictatorial, caminda ningun dialogo y acuerdo ta posibel”.

Esey a pone cu awor na October 2018, e funcionamento di Dr. Jonkhoff riba nivel como specialista a bira imposibel.

Tur esey, siendo cu na e momentonan aki e ta e unico specialista riba e terenonan aki na Aruba.

“Ta imposibel pa mi ta disponibel 24 ora pa dia y asisti tur pacient,” Dr. Jonkhoff a indica.  “Mi no por carga e peso aki mas.”

Pesey, cu dolor na su curazon, e ta informando pacientnan y pueblo cu pa e siguiente simannan, no ta bay tin un oncologo/hematologo aki na Aruba pa atende publico.

“Pa esaki mi ta pidi boso disculpa, y boso muestra di apoyo na mi persona lo ser aprecia.”

Den edicion di Diabierna, DIARIO lo bin cu relato mas amplio di tur e contratiempo cu Dr. Jonhhoff a bin ta confrontando na Hospital di Aruba, cu sigur tin un nubia hopi scur diariamente pega riba dje, cu tur clase di malcontento cerca enfermeronan, demas personal, y awor hasta e unico oncologo y hematologo cu Aruba tin e momento aki.

Anto asina aki nan kier converti Aruba den un destinacion unda turistanan lo por bin haya tur atencion medico?

E speranza tey cu Ministro di Salud tuma nota serio y urgente di e problema aki cu DIARIO awe ta trece dilanti pa pueblo haya sa.

 

- Advertisement -

DUNA COMENTARIO

Please enter your comment!
Please enter your name here